Хаары ким ыраастыырый?

Бүгүн, о.э. сэтинньи 2 күнүнээҕи туругунан, “Якутдорстрой” үлэһиттэрэ “50 лет Октября” автострада, Дзержинскэй, Ойууунускай, Петровскай, Чайковскай, Дежнев, Ленин пр., Покровскай тракка о.д.а. уулуссаларга хаары ыраастаатылар. Суолу ыраастааһыҥҥа 34 үлэһит, 15 самосвал, 1 мини-погрузчик «бобкэт», 2 фронтальнай погрузчик сылдьаллар.

Намсыыр суолугар суол кытыытын грейдердээһин ыытыллар. Халтарааны утары үрэх кумаҕын кутууга 10 анал массыына сүүрэр.  Орджоникидзе уонна Норуоттар доҕордоһууларын болуоссаттарыгар хаары тиэйии тэриллэр.

Ууруналары санитарнай ыраастааһыҥҥа 3 КАМАЗ, 6 оробуочай үлэлиир. Остонуопкалары ыраастааһыҥҥа 2 КАМАЗ, 4 оробуочай сылдьар.