26.10.2023 | 12:00

Хаары хомуйууга эппиэтинэһи ким сүгэрий?

Хаары хомуйууга эппиэтинэһи ким сүгэрий?
Ааптар: Наталья Кычкина
Бөлөххө киир

Суолтан, тротуардартан, элбэх дьон олорор дьиэлэрин кырыыһаларыттан, тэрилтэлэртэн кэмигэр хаары уонна мууһу ыраастааһын – бу күн бүгүн Дьокуускай куорат олохтоохторугар биир сүрүн суолталаах боппуруоһунан буолар. Хаары хомуйуу, тиэйии эбээһинэһин кэмигэр уонна бириэмэтигэр толорботоххо тимир көлө уонна сатыы киһи сылдьарыгар ыараханы уонна мэһэйдэри үөскэтэрэ саарбаҕа суох. Ол уонна да атын кыһалҕалар тустарынан тустарынан биһиги матырыйаалбытыгар ааҕыҥ.

 

Дьокуускай сирин-уотун тупсарыы быраабылаларыгар олоҕуран юридическай сирэйдэр уонна гражданнар куорат бары сиригэр-уотугар, ол иһигэр бэйэлэрин чааһынай дьиэлэригэр ырааһы тутуһар, ону таһынан Элбэх кыбартыыралаах дьиэлэргэ хаар-муус мустуутун ыраастыыры салайар хампаанньалар кэтээн көрөр эбээһинэстээхтэр. Кини бириэмэтигэр хомуйан иһэр эппиэтинэһи сүгэр.

Атыы-эргиэн кииннэриттэн, маҕаһыыннартан уонна да атын коммерческай тэрилтэлэр учаастактарыттан хаары ыраастааһын уонна таһыы хаһаайыҥҥа сүктэриллэр.

Өйдөөҥ! Хаары ыраастааһын уонна тиэйии эбээһинэһин кэмигэр толорбот буолуу харгыстары үөскэтэр, тиэхиньикэ уонна сатыы дьон сырыытыгар мэһэйдэри үөскэтэр. Бэйэбит сирбитигэр-уоппутугар, куораппытыгар харыстабыллаахтык сыһыаннаһыахха!

Хаары таһыы графигын бэйэҕит салайар хампаанньаларгытыгар, ТСЖ уонна салайар территориальнай уорганнарга (быраабалар) чуолкайдыахха сөп.

 

Куорат сулууспалара хаары ыраастыыллар

Киин куорат коммунальщиктара уонна суол үлэһиттэрэ төгүрүк сууккаҕа хаары хомуйан, мууһу ыраастаан туһааннаах дьаһаллары ыыталлар.

Хаар ыраастааһыҥҥа 18 КАМАЗ самосвал, суолу анньар үс грейдер, түөрт МТЗ-82 тыраахтар, суоккалаах икки МТЗ-82 тыраахтар, “Бокбэт” үс мини погрузчик, түөрт улахан погрузчик үлэлииллэр.

“Якутдорстрой” АО үлэһиттэрэ маны сэргэ сүрүн үлэни, прибордюрнай чаастары бөҕөргөтүүгэ, балаһааккалартан уонна тротуардартан хаары ыраастааһыҥҥа, тиэйиигэ үлэ ыыталлар. Алтынньы 18 күнүттэн саҕалаан, барыта 595 кубомиэтир хаар тиэлиннэ диэн “Якутдорстрой” иһитиннэрэр.

Халтарааны утары дьаһаллар чэрчитинэн куоракка 33,5 туонна бытархай таас, ону таһынан 200 кубомиэтирэ өрүс кумаҕын куттулар.

Куорат хас биирдии уокуругар уонна куорат таһынааҕы нэһилиэктэргэ, сатыы дьон сылдьар тротуардарын ыраастыыр үлэлэргэ муниципальнай дворниктар уонна быраабалар бэдэрээттэһэр тэрилтэлэрэ кытталлар. Билигин тротуардары, кыбаарталлар сирдэрин-уоттарын, сатыы сылдьар дьон муосталарын 56 муниципальнай дворник, 38 бэдэрээттэһэр тэрилтэлэр, 10 единицалаах анал тиэхиньикэ уонна 8 кыра харбыыр массыыналар ыраастыыллар. Маны таһынан, куорат сулууспалара оптуобус тохтобулларын күннэтэ кэтээн көрөллөр.

Сэрэниҥ – чараас муус !

Билигин өрөспүүбүлүкэ ууларыгар, күөллэригэр муус үөскээһинэ бара турар, сорох хотугу оройуоннарга муус хайыы үйэ өрүстэри уонна күөллэри бүрүйдэ.

Өрөспүүбүлүкэ Быыһыыр сулууспатын быыһааччылара профилактическай үлэни ыыталлар: хонтуруоллааһын, холбоһуктаах рейдэлэр, нэһилиэнньэни кытта сэһэргэһии уонна дьарыктаныы, ол иһигэр оҕолору кытта.

Ол курдук соторутааҕыта Дьокуускай куорат Таалай күөлүгэр быыһааччылар оҕолор бөлөхтөрө мууска тахсыыларын тохтоттулар. Кинилэри кытта профилактическай кэпсэтии ыыттылар, өйдөбүнньүк кумааҕылары туттардылар.

“Билигин муус халыҥыы илик, киһи ыйааһынын тулуйарга өссө да ситэтэ суох. Онуоха кырата 7 см. тоҥмут буолуохтаах. Суолларын кылгатар, быһалаары чараас мууһунан хаамыан  баҕалаахтарга санатабыт: манан бэйэҕит суолгутун эрэ буолбакка, олоххутун эмиэ кылгатыаххытын сөп. Төрөппүттэргэ оҕолоргутун хонтуруоллаан көрө-истэ сылдьаргытыгар, сөптөөх сынньалаҥы тэрийэргитигэр, чараас мууска оонньуу ыыппаккытыгар көрдөһөбүт”, - диэн “СӨ быыһыыр сулууспата” ГБУ дьуһуурунай сменатын старшайа Сергей Кривошапкин санатар.

Өйдөөҥ: чараас мууска тахсыы иэдээҥҥэ тиэрдиэн сөп!

Суһал сулууспаны ыҥырыы биир кэлим нүөмэрэ “112”, СӨ Быыһыыр сулууспатын суһал дьуһуурунай төлөпүөнэ: (4112) 45-90-19.

Хомунаалынай сулууспалары кытта хайдах охсуһабыт?

Салайар хампаанньа өҥөлөрүн төлүүргүтүгэр эһиги кини эбээһинэстэрин толорорун ирдиир бырааптааххыт. Дуогабары үөрэтиҥ, туох иһин төлүүргүтүн билэр туһуттан.

Элбэх кыбартыыралаах дьиэлэри салайыы үлэтэ РФ олох-дьаһах кодексынан салайыллар. Өскөтүн хомунаалынай сулууспалар эбээһинэстэрин толорбот буоллахтарына, салайар хампаанньаҕа үҥсүҥ.

— Диспетчергэ эрийэн эбэтэр Салайар хампаанньа дириэктэригэр үҥсүү суруйан;

— Роспотребнадзорга, Олох-дьаһах инспекциятыгар суруйан;

— Прокуратураҕа тиийэн;

— Суукка үҥсүү түһэрэн;

 

Диспетчер сулууспата

СХ диспетчеригэр кыһалҕаҕытын кэпсээҥ. Маныаха элбэх киһи олорор дьиэтигэр туох эрэ саахал тахсыбыт эбэтэр атын да онно сибээстээх ыйытыы буолуон сөп.

 

СХ дириэктэригэр үҥсүү

Онно туох баар кыһалҕалары суруйуҥ, дуогабар кэһиллибит пууннарын ыйыҥ. Биричиинэлэринэн хаачыстыбата суох өҥөлөр, сөбүлэҥҥэ сурулла сылдьар өҥөлөр толоруллубаттара буолуон сөп.

 

Олох-дьаһах инспекцията

Икки өттүттэн эйэлээхтик быһаарыы ньымалара Салайар хампаанньа өттүттэн көмөлөспөт буоллахтарына, Олох-дьаһах инспекциятыгар үҥсүүтэ суруйуҥ, манна олорор дьиэ техническэй туругун кытта сибээстээх боппуруостары көрөллөр.

 

Роспотребнадзор

Өскөтүн дуогабар ханнык эрэ пууна толоруллубат буоллаҕына, бастаан утаа тэрилтэҕэ боппуруоһу быһаччы быһаарарга холонуҥ, оттон СХ аккаастаннаҕына эрэ Роспотребнадзорга барыҥ.

 

Прокуратура

Олох-дьаһах инспекцията да, Роспотребнадзор даҕаны эһиги кыһалҕаҕытын быһаарбатаҕына, прокуратураҕа барыҥ. Салайар хампаанньаҕыт уонна госуорганнар дьайыыларын, туох да хамсааһын тахсыбатаҕын үҥсүҥ. СХ лицензията суоҕун эбэтэр болдьоҕо ааспытын, хомунаалынай өҥө тарыыптара үрдээбитин туһунан уо.д.а.

 

Олорор сиргинэн оройуоннааҕы суут

Суукка үҥсүү киллэриэҥ иннинэ, кыһалҕалары быһаарыы бары ньымаларын боруобалаабыккын итэҕэй. Суукка чектэри, квитанциялары, суруктары, үҥсүүлэриҥ куоппуйаларын, хомунаалынай төлөбүрдэр куоппуйаларын, почта иһитиннэриилэрин, социальнай ситимҥэ суруйсубуккун бэчээттээн таһааран биэрэргин умнума.

 

Салайар хампаанньаттан аккаастаныы

Саҥа салайар хампаанньаны кытта дуогабар оҥорсуоххун эбэтэр ТСЖ тэриниэххин сөп. Өскөтүн дьиэҕэ 30-тан аҕыйаҕа суох кыбартыыра баар буоллаҕына, бэйэҕит салайынан, мунньахтаан, сөбүлэһэн ОДьКХ боппуруоһун быһаарыаххытын сөп.

Бас билээччилэри кытта мунньахта тэрийиҥ уонна Салайар хампаанньаны кытта дуогабары тохтотууну куоластааһын түмүгүн кытта Олох-дьаһах инспекциятыгар уонна СХ ыытыҥ. Быһаарыы 50 бырыһыан киһи куолаһын биэрбит буоллаҕына ылыллар.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Ытык сирдэнэр буоллубут!
Куорат олоҕо | 09.05.2024 | 18:00
Ытык сирдэнэр буоллубут!
Кулун тутар 15 – муус устар 30 күннэригэр ыытыллыбыт Бүтүн Арассыыйатааҕы рейтиннээх куоластааһыҥҥа Саха сириттэн хаһааҥҥытааҕар да элбэх – 125 156 киһи кыттыыны ылбытын туһунан Ил Дархан уонна Бырабыыталыстыба пресс-сулууспата иһитиннэрэр.   Ол иһигэр Дьокуускай куораттан былырыыҥҥытааҕар икки төгүл элбэх – 52 271 киһи куоластаабыт (былырыын – 29 679 киһи).  «Куорат...
Саха сириттэн сэриигэ  ат хомуура
Сонуннар | 09.05.2024 | 12:00
Саха сириттэн сэриигэ ат хомуура
1941-1945 сыллардааҕы Аҕа дойду Улуу сэриитигэр дойду үрдүнэн ат хомуура диэн барбыта. Сэриигэ киһини кытта тэҥҥэ биир төһүү тыыннаах күүһүнэн ат буолбута. Кыһыл Аармыйа 1 мөлүйүөн 9 тыһыынча атыттан сэриигэ мөлүйүөнтэн ордугун сүтэрбитэ.   Аты таһар-тиэйэр күүс быһыытынан эрэ буолбакка, кавалерияҕа кытта туһаммыттара. Байыаннай-ветеринарнай сулууспа күүскэ үлэлээбитэ. Маныаха 6507 ветврач уонна...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...