12.08.2020 | 14:40

Хаарбах туруктаах дьиэлэртэн көһөрүү үлэтэ тохтообот

Хаарбах туруктаах дьиэлэртэн көһөрүү үлэтэ тохтообот
Ааптар: Киин Куорат

Киин куорат 17-с кыбаарталын 12 хаарбах туруктаах дьиэтин олохтоохторо саҥа кыбартыыраларга көстүлэр. Бу туһунан Дьиэ-уот сыһыаннаһыыларын департаменын дириэктэрэ Александр Новолоков иһитиннэрэр.

Ол курдук, 160 олорор дьиэттэн 79-һа көһөрүлүннэ. Онтон 48-гар атын дьиэ бэрилиннэ. 31 бас билээччигэ харчынан компенсация төлөннө. Дьиэ оннугар харчынан ылыан баҕарбыт олохтоохторго уопсайа 62 мөлүйүөн солкуобай кэриҥэ суума төлөннө. 2020 сыл түмүктэниэр диэри өссө 7 киһиэхэ олорор дьиэ бэриллиэҕэ.

Вера Сухарева  17-с кыбаарталга үйэ чиэппэриттэн ордук олорбут.  «Күһүн-саас эргэ дьиэбитигэр уу киирэрэ. Кыбартыырабыт иһэ куруук сииктээх уонна түүнүктээх буолара. Эбиитин дьиэбит өрүү тымныы этэ», — диэн кэпсиир. Кини олорбут дьиэтэ туох да хааччыллыыта суох буолан, ууну биэдэрэнэн таһалларын саныыр. Билигин көһөрүллүбүт дьиэ аҥаара ууга турар.

Вера Якимовна дьиэ кэргэнэ, хаарбах уонна сууллар туруктаах дьиэлэртэн көһөрүү бырагырааматыгар хабыллан, быйыл олунньуга Воинскай уулуссаҕа баар элбэх кыбартыыралаах саҥа таас дьиэҕэ көһөн киирбит.

Санатар буоллахха, Дьокуускай куоракка федеральнай бырагыраама бастакы түһүмэҕэр (2012-2018 сылларга) 2012 сыл тохсунньу 1 күнүгэр диэри хаарбах туруктааҕынан ааҕыллыбыт 226 дьиэ хабыллыбыта. Билигин көһөрүү бырагырааматын иккис түһүмэҕэ ыытыллар (2019-2025 сылларга). Манна 2017 сыл тохсунньу 1 күнүгэр диэри хаарбах туруктааҕынан ааҕыллыбыт 166 дьиэ киирдэ. Киин куорат дьаһалтата федеральнай бырагыраамаҕа элбэх дьиэ хабылларын ситиһэр ситимнээх үлэни ыытар.

Сонуннар

Ордук ааҕаллар

Тыыннаахпыт тухары бүппэт кыһалҕалар
Куорат олоҕо | 24.06.2022 | 16:00
Тыыннаахпыт тухары бүппэт кыһалҕалар
«Кыһалҕа, муҥ тиити буолбакка, киһини кэрийэр» диэн сахалар өс хоһоонноро баар. Киһи олорорун тухары кыһалҕаны, ыарахаттары көрсөр, ону туоратарга дьулуһар. Онуоха салалта, дьаһалта өттүттэн эмиэ кыһаллаллар, араас уураахтары, дьаһаллары таһааран олохпут чэпчиирин туһугар туруулаһаллар. Ол да буоллар, ол эрэн... дииргэ тиийэбит.   Илин эҥэрдэр паром кыһалҕалаахтар Муоста, муоста диибит да, ол...
Дьиэ кэргэн бизнеһин өйүүр киин арылынна
Сонуннар | 27.06.2022 | 17:39
Дьиэ кэргэн бизнеһин өйүүр киин арылынна
Бэс ыйын 27 күнүгэр Дьокуускайга Дьиэ кэргэн бизнеһин өйүүр киини арыйдылар. Киин күлүүһүн вице-премьер Ольга Балабкинаҕа үөрүүлээх быһыыга-майгыга туттарыы сиэригэр-туомугар Арассыыйатааҕы Атыы-эргиэн палататын вицэ-бэрэсидьиэнэ Елена Дыбова туттарда. Арассыыйа үрдүнэн бу төрдүс киин үлэлээтэ. Эрдэ маннык кииннэр Нижний Новгородка, Уфаҕа, Рязань куоракка бааллар. Киин арыллыыта Саха АССР үбүлүөйдээх сылыгар сөп түбэспитэ...