26.02.2022 | 12:00

Хаарбах дьиэттэн үс сыл иһигэр 18 тыһыынча киһи көспүт

Хаарбах дьиэттэн үс сыл иһигэр 18 тыһыынча киһи көспүт
Ааптар: Айталина Софронова
Бөлөххө киир

Нэһилиэнньэни хаарбах туруктаах дьиэттэн көһөрүү бырагыраамата Саха сиригэр, ол иһигэр Дьокуускай куоракка күүскэ үлэлиир. Ол курдук, үс сыл иһигэр уопсайа 18 тыһыынчаттан тахса киһи саҥа дьиэҕэ көстө. 2025 сыл балаҕан ыйыгар диэри 804, 38 кв/м иэннээх хаарбах дьиэттэн эбии 43 тыһыынча кэриҥэ киһи олорор усулуобуйатын тупсарара күүтүллэр.

Бу туһунан социальнай ситимнэргэ быһа эфир кэмигэр СӨ Олорор дьиэ тутуутун дирекциятын салайааччыта Игорь Ткаченко иһитиннэрдэ.

Бырагыраама өрөспүүбүлүкэ бары улуустарын, ол иһигэр 13 хоту оройуону хабар. Бырагыраама биир усулуобуйатынан хаарбах туруктаах дьиэлээх дьону дьиэ тутааччыттан да, иккис ырыынактан да олорор дьиэнэн хааччыйыы буолар.

Игорь Ткаченко эппитинэн, 2021 сылга өрөспүүбүлүкэ үрдүнэн 325,21 тыһ. кв/м иэннээх хаарбах дьиэттэн 18 тыһыынчаттан тахса киһини көһөрөр сорук турбут буоллаҕына, быйылгы сылга былаан балтараа төгүл үрдүк. Бэлиэтээн эттэххэ, өрөспүүбүлүкэҕэ бырагыраама күүскэ үлэлиирин суотугар былаан урутаан туолан иһэр. Ону таһынан саамай элбэх көһөрүү 2023 уонна 2024 сс. ыытыллыа диэн тоһоҕолоон бэлиэтииллэр.

Ааспыт үс сыл иһигэр 130 элбэх кыбартыыралаах уопсай таас дьиэ тутуллубут, ол иһигэр 2021 сылга саамай улахан көрдөрүү – 82. Оттон улуустарынан ыллахха, ордук элбэх саҥа дьиэ Дьокуускай куоракка, Мэҥэ Хаҥалас уонна Горнай оройуоннарыгар, Алдаҥҥа уонна Ленскэйгэ үлэҕэ киирбит.

Ол курдук, Дьокуускайга уопсайа 22 тыһ. кв/м иэннээх тоҕус дьиэ тутуллар. Быйыл ДСК оройуонугар тутуллар саҥа «Звезднай» кыбаарталга сэттэ дьиэ үлэҕэ киириэхтээх. Маны сэргэ Билибин уулуссатыгар 130 кыбартыыралаах дьиэ бүтэн эрэр. Алдаҥҥа 10 тыһ. кв/м иэннээх алта дьиэ үлэҕэ киирээри турар. Мэҥэ Хаҥалас уонна Горнай оройуоннарыгар хаарбах дьиэлээхтэргэ сэттэлии дьиэ тутулла турар. Ленскэйгэ уопсайа 16 тыһ. кв/м иэннээх түөрт дьиэ тутуллар. Быһата, өрөспүүбүлүкэ үрдүнэн уопсайа 81 элбэх кыбартыыралаах таас дьиэ үлэҕэ киирэрэ былааннанар эбит. Олортон 60-гар хаарбах туруктаах дьиэлэртэн көһөөччүлэргэ 3 тыһыынчаттан тахса кыбартыыра бэлэмнэниллэр.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!