19.06.2020 | 11:47

Хаарбах дьиэлэри чинчийиигэ 2 мөл. солк көрүлүннэ

Хаарбах дьиэлэри чинчийиигэ 2 мөл. солк көрүлүннэ
Ааптар: Киин Куорат

Дьокуускайга хаарбах дьиэлэри көтүрүү салҕанан бара турар. Дьиэ-уот сыһыаннаһыытыгар департамент 2019-2025 сылларга үлэлиир өрөспүүбүлүкэтээҕи тус сыаллаах бырагырааманы олоххо киллэрэр.

Билигин Дьокуускайга 603 хаарбах туруктаах элбэх кыбартыыралаах дьиэ баара биллэр. Дьиэ хаарбах туруктааҕын РФ Бырабыыталыстыбатын 17 нүөмэрдээх 2006 с. тохсунньу 28 күнүнээҕи дьаһалыгар олоҕуран быһаарыллар.

“Сокуон ирдэбилигэр тирэҕирэн, быйыл 41 дьиэ хаарбах туруктааҕа бэлиэтэннэ. 2019 сыллаахха 197 дьиэ этэ, 2018 с. – 109 дьиэ, 2017 с. – 99 дьиэ этэ. 2012 сыллаахтан 2017 сыллаахха диэри хаарбах туруктааҕынан 157  дьиэ билиниллибитэ”, - диэн Дьиэ-уот сыһыаннаһыыларын департаменын салайааччыта А.Новолоков кэпсээтэ.

Санатан эттэхэ, 2012-2017 сылларга хаарбах туруктааҕынан билиниллибит дьиэлэртэн дьону көһөрүү өрөспүүбүлүкэтээҕи бырагыраама чэрчитинэн ыытыллар. Бу дьиэлэр бары көтөрүллэн, дьон саҥа дьиэлэммитин эрэ кэннэ, 2017 сылтан саҕалаан учуокка турбуттар дьиэлэрэ көтүрүллэн барыаҕа.

Олорор дьиэлэри хаарбах туругун быһаарары тэтимирдэр туһугар, куорат дьаһалтата быйыл эбии 2 мөл. солк тыырда. Бу үбү дьиэлэр фундаменнарын, тутууларын чинчийиигэ ыытыахтара.

djoyakutsk.ru сайтка киирэн 2012-2020 сылларга көтүрүллэр дьиэлэр испииһэктэрин киирэн билсиэххэ сөп. Сайтка киирэн: “Отдел учета жилищного фонда” / “Списки” / “Список аварийных многоквартирных жилых домов на территории городского округа «город Якутск» баттыыгыт.

Олорор дьиэҕитин хаарбах туруктааҕынан билинэргэ Дьиэ-уот сыһыаннаһыытын департаменыгар маннык докумуоннары тиэрдиэхтээххит:

а) дьиэ хаарбах туруктааҕын, көтүрүллүөн сөптөөҕүн туһунан кэллэктиибинэй сайаапка;

б)  дьиэни бас билии туһунан докумуоннар куопуйалара;

в) анал тэрилтэ чинчийиитэ, быһаарыыта.

Докумуоннары Дзержинскэй уул, 21, каб. 47, бэнидиэнньик-чэппиэр, 9:00 - 17:00 ч., (Эбиэт: 13.00-14.00 ч.) туталлар , төл: +7(4112) 22-60-49 .

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Сааскы Ньукуолун — күөххэ үктэнии өрөгөйө
Тускар туһан | 20.05.2022 | 14:00
Сааскы Ньукуолун — күөххэ үктэнии өрөгөйө
Ыам ыйын 22 күнэ – сааскы Ньукуолун. Кыһыҥҥы Ньукуолун ахсынньы 19 күнүгэр бэлиэтэнэр (День святого Николая Чудотворца) Таҥара дьиэтин  бырааһынньыга.   Саха дьонугар былыр-былыргыттан сааскы Ньукуолун күнэ олус ытыктанар, улахан суолталаах, күүтүүлээх. Бу күн уһун кыһыны этэҥҥэ туораан, күөххэ үктэнии үөрүүтэ-өрөгөйө буолар. Мөккүөрдээх соҕус да буоллар, бу күнү сорохтор өссө саха...