14.06.2020 | 13:51

Хаан донордара хаһан баҕарар наадалар

Хаан донордара хаһан баҕарар наадалар
Ааптар: Киин Куорат
Бөлөххө киир

Бэй ыйын 14 күнэ – хаан донорын аан дойдутааҕы күнэ. Коронавирус дьаҥа тарҕаммыт кэмигэр Дьокуускайдааҕы хаан тутар станцияҕа харыстабыл бары миэрэлэрин тутуһаллар, сэрэхтээх буолууну мэктиэлииллэр. Ыраас, чэгиэн хаан хаһан баҕарар наада, ол иһин хаан тутуута тохтообот. Донор буоларга чэгиэн-чэбдик буолар уонна үтүө санаанан сирдэтинэр тоҕоостоох.

Хаан туттарыаххыт иннинэ сыалаах, арыылаах, аһыы уонна ыыһаммыт аһы, үрүҥ аһы, сымыыты, арыыны, сакалааты сиэбэккит. Аччык искэ хаан туттарыллыбат.

Саахардаах чэйи барыанньаны кытта, муорус, хомпуот, минеральнай уу иһиэххитин сөп. Килиэп, суухара, куруппа арааһа, ууга буспут лапса, оҕуруот аһа уонна фрукта (банаантан ураты) көҥүллэнэр.

Хаан туттарыаххыт 48 чаас иннинэ аһыы утаҕы иһэр, 72 чаас иннинэ эмп, аспирин уонна анальгетиктары иһэр, 1 чаас иннинэ табахтыыр бобуллар.

Медиктэр этэллэринэн, киһи организма сарсыарда хааны оҥороро түргэтиир. Онон бастаан туттарар дьон сарсыарда 8.00 чаастан, уопуттаах донордар күнүс 12-гэ туттарыахтарын сөп.

Түүн сүгүн-саҕын утуйбатах буоллаххытына, түүҥҥү үлэ, дьуһуурустуба кэнниттэн кэлимэҥ. Эксээмэн, күрэхтэһии, эппиэтинэстээх үлэ иннинэ донор буоларга дьулуһумаҥ.

Эр дьон сылга 5-тэ, дьахталлар 4-тэн элбэҕэ суохтук хаан туттарыахтарын сөп.

Хаан туттарыы төлөбүрдээх:

  • 350/400 мл хаан – 854 солк.
  • Эриэккэс фенотиптаах хаан  350 мл – 1062 солк. (400 мл – 1366 солк.).
  • Плазма 600 мл – 2561 солк.
  • Эритроцит 400 мл – 4268 солк.
  • Тромбоцит –  5975 солк.

+ 1 күн сынньалаҥ (уоппуска күнүгэр эбиллиэн сөп).

Хаан тутар Станция Дьокуускай куоракка Петр Алексеев аат. уул. 87 баар. Төлөпүөннэрэ: 8-4112-43-25-78 (Приемнай), 8-4112-43-21-96 (Донордар салаалара).

Хааны туттарарга СНИЛС, ФЛГ, пааспар наада. Улууска пропискалаахтар эмиэ туттарыахтарын сөп.

Үлэ кэмэ:

Бэнидиэнньик – чэппиэр: 8.30 – 12.00 ч.

Бээтинсэҕэ: 8.30 – 11.00 ч.

Суукка устата үлэлиир босхо быһа линия: 8-800-333-33-30

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
Уопсастыбаннай туоналарга куоластыырбытын умнубаппыт
Сонуннар | 03.04.2024 | 10:30
Уопсастыбаннай туоналарга куоластыырбытын умнубаппыт
Кулун тутар 15 – муус устар 30 күннэригэр эһиил, 2025 сылга, тупсарарга былааннанар эбийиэктэри быһаарар Бүтүн Арассыыйатааҕы куоластааһын буолар турар. Куоластааһыҥҥа 14-тэн үөһэ саастаах Арассыыйа гражданнара 14.gorodsreda.ru балаһааккаҕа киирэн, сөбүлээбит бырайыактарын талан кыттыахтарын сөп.  Дьокуускай куорат олохтоохторо быйыл Гагарин аатынан сквер, Щорс күөлүн кытыла, Сэргэлээх күөлүн кытыла (ДСК оройуона), Теплай...