Хааччахтааһыннар кулун тутар 31 күнүгэр диэри уһаатылар
Өрөспүүбүлүкэтээҕи суһал штаб иһитиннэрбитинэн, коронавирус тарҕаныытын уодьуганныыр хааччахтааһыннар 2021 сыл кулун тутар 31 күнүгэр диэри уһаатылар.
Маны тэҥэ, 65-тэн аҕа саастаах уонна хроническай ыарыылаах дьоҥҥо хааччахтааһын миэрэлэрэ уруккуларынан хаалаллар.
Ол эрэн сүрүн өрөспүүбүлүкэтээҕи уонна улуустааҕы тэрээһиннэри, конференциялары, форумнары, култуурунай уонна сырдатар тэрээһиннэри ыытыы көҥүллэнэр. Киинэ театрдарыгар, театрдарга уонна кэнсиэрдиир саалаларга көрөөччү ахсаанын 75 %- ҥа диэри улаатыннарар көҥүллэннэ. Аттракционнар үлэлэригэр, сынньалаҥ уонна култуура пааркаларыгар хааччахтааһын уһулунна. Маҕаһыыннар уонна атыы-эргиэн кииннэрэ дезинфекцияҕа сабыллыбат буолуохтара — табыгастаах бириэмэҕэ бэйэлэрэ нэдиэлэ аайы дезинфекцияны ыытыахтаахтар.
Сонуннар
Ордук ааҕаллар
