16.12.2021 | 16:00

Хааччахтааһын миэрэлэрэ сымнаатылар

Хааччахтааһын миэрэлэрэ сымнаатылар
Ааптар: Киин Куорат

Саха сиригэр коронавирус дьаҥынан саҥа ыалдьыбыт дьон ахсаана аҕыйаан, хааччахтааһын миэрэлэрэ сымнаабыттар: ахсынньы 14 күнүттэн СӨ Ил Дархана Айсен Николаев, Роспотребнадзор регионнааҕы Управлениетын кытта сөбүлэҥинэн илии баттаммыт ыйааҕынан уопсастыбаннай аһылык тэрилтэлэрин үлэлиир эрэсиимнэрэ уһатылыбыт уонна оҕолору оонньотор саалалар, аттракционнар үлэлэрэ сөргүтүллүбүт.  Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрдэ. 
Ыйаахха олоҕуран, уопсастыбаннай аһылык тэрилтэлэрин, ол иһигэр банкет саалаларын үлэлиир эрэсиимнэрэ 00:00 чааска диэри уһатыллыбыт. Бу иннинэ ити тэрилтэлэр 23:00 чааска диэри үлэлээбиттэрэ. 
Оҕо оонньуур хосторун, саататар кииннэрин уонна аттракционнарын үлэлэрэ, санитарнай-эпидемиологическай усулуобуйалары тутуһуулаах, көҥүллэммит. Сокуоннай саастарын сиппит гражданнар оҕо оонньуур хосторугар уонна саататар кииннэригэр, аттракционнарга быһыыны ылбыты эбэтэр ыалдьа сылдьыбыты мэктиэлиир  QR-коду, 72 чаастан ордуга суох ыалдьыбаты туоһулуур ПЦР-тиэст медицинскай ыспыраапкатын  көрдөрөн киирэллэр. 
Итини тэҥэ 18 саастарын туола илик оҕолор култуура эбийиэктэригэр баар эбии үөрэхтээһин тэрилтэлэригэр улахан киһитэ суох сылдьыахтарын сөп.
Санатар буоллахха, өрөспүүбүлүкэ территориятыгар элбэх киһи мустар сирдэригэр быһыыны ылбыты эбэтэр ыалдьа сылдьыбыты мэктиэлиир  QR-коду, 72 чаастан ордуга суох ыалдьыбаты туоһулуур ПЦР-тиэст медицинскай ыспыраапкатын  көрдөрөн киирии систиэмэтэ салҕанар.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Люба Готовцева:  «Киһи биир сиргэ тэпсэҥнии туруо суохтаах»
Дьон | 14.01.2022 | 20:54
Люба Готовцева: «Киһи биир сиргэ тэпсэҥнии туруо суохтаах»
Киһи олорорун тухары төһөлөөх элбэх киһини кытта билсэрэ, алтыһан ааһара буолуой?! Оттон суруналыыс буоллаххына, өссө элбэх киһини кытта көрсөҕүн, кэпсэтэҕин. Олоххор алтыспыт дьоҥҥун аны туран барыларын кытта сибээс туппаккын, ол эрэн искэр киллэрэн, олус үчүгэйдик саныы сылдьаҕын. Мин Любалыын, таптаан ааттыырбынан Любушкалыын, 2000 сыллар саҥаларыгар билсибитим. Онтон ыла хайдах эрэ...