Грипп ыарыыттан харыстаныаҕыҥ
![Грипп ыарыыттан харыстаныаҕыҥ](https://kiinkuorat.ru/wp-content/uploads/2021/09/YOf8kXCbkJ.jpg)
Сылын аайы грипп ыарыынан аан дойдуга 500 мөл. кэриҥэ киһи ыалдьар. Грипп уустук көрүҥэ сүрэх-тымыр систиэмэтигэр, тыынар уорганнарга, киин ньиэрбинэй систиэмэҕэ охсор, пневмония, трахеобронхит, менингоэнцефалит курдук ыарахан ыарыылары көбүтэр.
Профилактическай тэрээһиннэр эт-хаан көмүскэнэр күүһүн үрдэтиигэ туһуламмыттар. Итиннэ физическэй култууранан дьарыктаныы, эрчиллии, сөптөөхтүк аһааһын (сибиэһэй оҕуруот аһа, фрукта, эт, балык, битэмииннээх-минераллаах комплекстар), кэмигэр сынньаныы киирэллэр.
Грипп эпидемиятын кэмигэр элбэхтик ыраас салгыҥҥа сылдьыахха, С битэмииннээх аһы – тууһаммыт хаппыыстаны, клюкваны, цитрусовайдары, чесногу, луугу сиир наадалаах.
Тус гигиенаны тутуһар, муннуну туустаах уунан (1 лиитэрэ ууга 1 чайнай ньуоска тууһу кутан, эбэтэр аналлаах спрейдэринэн) сууйар, олорор дьиэҕитин, үлэлиир кэбиниэккитин салгылатар, инчэҕэй убуорканы тиһиктээхтик оҥорор тоҕоостоох.
Профилактика саамай күүстээх көрүҥэ – вакцинация. Вакцинацияны күһүн, эпидемия саҕаланыан иннинэ оҥороллор. Кэлэктиип 70-80%-на быһыыны ыллаҕына дьон бары иммунитеттанар, көмүскэллээх буолар. Аныгы вакцинация ыалдьыбыт дьон ахсаанын аҕыйатар, ыарыыны чэпчэкитик аһардар, уустук көрүҥҥэ кубулуйуутун таһаарбат.
Эпидемия кэмигэр элбэх киһи мустар сиригэр – театрга, кафеҕа, циркэҕэ уо.д.а. сирдэргэ сылдьыбат ордук уонна медицинскэй маасканы кэтэр туһалаах.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)