11.05.2023 | 13:07

Гражданскай оборонаҕа уонна ыксаллаах быһыыга-майгыга управление ойуур баһаарыттан сэрэхтээх буоларга ыҥырар

Гражданскай оборонаҕа уонна ыксаллаах быһыыга-майгыга управление ойуур баһаарыттан сэрэхтээх буоларга ыҥырар
Ааптар: Киин Куорат
Бөлөххө киир

Ойуур баһаарын сүрүн биричиинэлэринэн уотунан сэрэҕэ суох туттуу, баһаартан сэрэхтээх буолуу быраабылаларын кэһии уонна чаҕылҕан буолуохтарын сөп. 
Баһаар сүрүннээн дьыл кураан кэмигэр турар. Ойуурга уот туруутун сэрэтэр туһуттан кутаа оттор, испиискэни, табаҕы умуруорбакка быраҕар, хаппыт оту уоттуур кытаанахтык бобуллар.
Тыаҕа сылдьан ойуур баһаарыгар түбэһэр түгэҥҥэ, суһаллык чугастааҕы дьону куттала суох сиргэ тахсар туһунан сэрэтэр булгуччулаах. Уоттан куотар кыах суох түгэнигэр, уулаах сири булан, ууга киирэргэ эбэтэр инчэҕэй таҥаһынан бүрүнэргэ кыһаллыахха наада, онуоха, буруо тыынар уорганнарга дьайыытын бопсон, баата, маарыла повязканы баанар ирдэнэр. 
Сиринэн сыыллар баһаар уотун сэбирдэхтээх мас лабаатынан быһыта сынньыллар, ону кытта атаҕынан тэпсэн, буорунан саба быраҕын, уунан ыһан умуорарга кыһаллыахха сөп. Баһаары кытта охсуһар кэмҥэ суолтан, солооһунтан, дьонноох сиртэн ырааппат ордук.
Тыаҕа ойуур баһаарын таһаарыы РФ КоАП 20.4 ыстатыйатын 1 чааһынан административнай эппиэтинэстээх. 
Арассыыйа Судаарыстыбаннай дуумата ойуур баһаарын таһаарыыга уонна хаппыт оту уоттааһыҥҥа ыстараабы гражданнарга - 10, дуоһунастаах уонна юридическэй сирэйдэргэ 2 төгүл улаатыннарар сокуону ылыммыта.
Онон ыстараап кээмэйэ гражданнарга: тыаҕа уоттан сэрэхтээх буолуу быраабылаларын кэһии иһин 15-тэн 30 тыһ. солк. диэри, ойууртан чугас оту уматыыга - 30-тан 40 тыһ. солк. диэри, баһаартан сэрэхтээх буолуу быраабылаларын кэһии иһин - 50 тыһ. солк. диэри. 
Дьокуускай куоракка айылҕаҕа сынньанарга көҥүллээх миэстэлэр:
- Кангалаас дьоҕус оройуона (чох тиэйэр причал кэннигэр);
- Покровскайдыыр суол 25 км (Табаҕа бөһүөлэгин таһыгар, Синньигэс күөл хаҥас кытыла);
- Намныыр суол 22 км (суол хаҥас өттө);
- Покровскайдыыр суол 20 км (суол уҥа өттө).
Бу миэстэлэргэ ханнык баҕар бириэмэҕэ сылдьыахха сөп эрээри, кулуһун оттор кытаанахтык бобуллар. Ыйыллыбыт территорияларга шашлыгы анал чоҕунан оттор миэстэлэр тэриллэн тураллар. Мангал туларыгар буор хаһыллыбыт, чугас уу бэлэм буолуохтаах. 
Баһаартан сэрэхтээх буолуу быраабылаларын кэһиини бэрэбиэркэлэр бултуур сирдэргэ кытта ыытыллыахтара, быраабыланы кэһии иһин ыстараап кээмэйэ гражданнарга - 3 тыһ. солк. диэри, дуоһунастаах сирэйдэргэ - 20 тыһ. солк. диэри, юридическэй сирэйдэргэ - 200 тыһ. солк. диэри.
Ойуур баһаарын көрдөххө, суһаллык эрийэр нүөмэрдэр:
101 - баһаарынай охрана;
32-22-30, 32-23-64, 32-23-69 - Биир кэлим дьуһуурунай-диспетчерскэй сулууспа;
112 - быыһыыр сулууспа.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.