21.07.2021 | 15:30

Горнай улууһун баһаарыгар көмөҕө автоколонна барда

Горнай улууһун баһаарыгар көмөҕө автоколонна барда
Ааптар: Киин Куорат
Бөлөххө киир

От ыйын 20 күнүгэр Горнай улууһун баһаардарын умуруорарга 22 тиэхиньикэ барда.  Тиэхиньикэни ЫБМ Кылаабынай Управлениетын сэргэ куорат тэрилтэлэрэ уонна биирдиилээн дьон көмөҕө биэрбиттэр. 
Өрөспүүбүлүкэ нэһилиэнньэтин олоҕор куттал суох буоларын хааччыйар судаарыстыбаннай кэмитиэт бэрэссэдээтэлэ Дмитрий Лепчиков иһитиннэрбитинэн, куорат тэрилтэлэрин салайааччылара уонна биирдиилээн дьон Горнай улууһугар буола турар баһаардарга көмө оҥорор туһунан этии киллэрбиттэр. 22 тиэхиньикэлээх колонна тэриллибит. Уу таһар массыыналары, автоцистернаны «СахаСпецтранс» ХЭТ, «Водоканал» АУо, «Жилкомсервис» МУТ, «Кинг» ХЭТ, «Теплоэнергия» АУо, «Сахаагроплем» АУо, биирдиилээн дьон, ЫБМ Кылаабынай Управлениета көмөҕө биэрбиттэр. 
«Тиэхиньикэни оройуоннааҕы суһал штаб Күөрэлээх уонна Маҥарас сэлиэнньэлэрин таһыгар буола турар баһаардарга ыыталыыр. «Саханефтегазсбыт» АУо хонуу автозаправкаларын тэрийбит. Тыа хаһаайыстыбатын министиэристибэтин уонна «Туймаада» ФАПК-ны кытта баһаарга үлэлиир суоппардар аһылыктарын хааччыйыахпыт”, - диир Дмитрий Лепчиков.
Тиэхиньикэни кытта Тыа хаһаайыстыбатын Управлениета Горнай улууһугар 800 киилэттэн тахса бородуукта уонна туонна аҥаара оҕуруот аһын, итини тэҥэ оробуочай көстүүмнэри, бэрчээккилэри, респиратордары уонна харчыны ыыппыттар. 
Автоколонна Горнай улууһугар от ыйын 24 күнүгэр диэри үлэлиэҕэ. Тиэхиньикэ салгыы үлэлиирэ оройуоҥҥа баһаар хайдах буоларыттан тутулуктаах.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...