19.07.2021 | 10:00

Горнай баһаарын умуруорууга туттар тэрили ыыттылар

Горнай баһаарын умуруорууга туттар тэрили ыыттылар
Ааптар: Киин Куорат

Дьокуускай куорат Уокуруктааҕы дьаһалтата Горнай улууһун баһаарын умуруорууга туттар тэрили ыытта. 
Куорат таһынааҕы ойуурдарга баһаар суох, буруо чугаһынааҕы улуустар баһаардарыттан кэлэр. Ол туһунан гражданскай оборонаҕа, ыксаллаах быһыыга-майгыга уонна баһаартан куттал суох буолуутун хааччыйар Управление салайааччыта Виталий Бобинов иһитиннэрдэ. 
Маҥан сэлиэнньэтигэр уонна Нам улууһун кытта кыраныыссаҕа, Киллэм сэлиэнньэтин кэннигэр баар баһаар көрдүгэннэрин, тута миэрэ ылан, от ыйын 7 күнүгэр умуруорбуттар. 
Горнай улууһун баһаарын умуруорааһыҥҥа куорат дьаһалтата ранецтары, көмүскүүр костүүмнэри, респиратордары, мотопомпалары, баһаары умуруорарга туттар сиэхтэри ыыппыт. 
«Күнү-дьылы кэтээн көрөөччүлэр этэллэринэн, от ыйын 19 күнүгэр тыал хайысхата уларыйан куоракка буруо намтыыра күүтүллэр», - диир Виталий Бобинов.
Дьокуускай куорат территориятыгар 2021 сыл бэс ыйын 18 күнүттэн баһаары утары ураты эрэсиим киирэн турар. Куорат таһынааҕы ойуурдарга баһаар куттала үрдүк. Баһаары утары эрэсиим кэмигэр ойуурга тырааныспар киирэрэ бобуллар (ойуур хаһаайыстыбатыгар уонна баһаары сэрэтэр, умуруорар үлэлээх тырааныспартан ураты). Маны тэҥэ нэһилиэнньэ ойуурга сылдьара көҥүллэммэт (ойууру кытта сибээстээх үлэһиттэртэн ураты). Куорат территориятыгар бөҕү, хаппыт оту уматар бобуллар.

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...