04.05.2023 | 13:32

«Главстрой» өрөмүөннэммит суоллар хаачыстыбаларын бэрэбиэркэлиир

«Главстрой» өрөмүөннэммит суоллар хаачыстыбаларын бэрэбиэркэлиир
Ааптар: Киин Куорат
Бөлөххө киир

Бэҕэһээ, ыам ыйын 3 күнүгэр, «Главстрой» Муниципальнай хааһына тэрилтэтэ 2019-2022 сылларга Дьокуускай куоракка «Куттала суох уонна хаачыстыбалаах суоллар» национальнай бырайыагы олоххо киллэриигэ тахсыбыт итэҕэстэри быһааран, мэктиэлээх кэмҥэ бэдэрээтчиттэринэн туораттарар сыаллаах эриэйдэҕэ сырытта, диэн Олохтоох дьаһалта пресс-сулууспата иһитиннэрэр. 
Бэрэбиэркэ Луговая, Рыдзинскай, Кутузов, Клара Цеткин, Труд, Очиченко уулуссалары хапта. «Главстрой» МХТ суол тутуутугар исписэлииһэ Алексей Петров суол таҥаһа хайыта, тоҕута барыыта, түһүүтэ сүрүннээн халлаан температурата хамсааһынын кытта сибээстээҕин бэлиэтиир.
«Сэттэ» ХЭТ ДРСУ бэдэрээттээх тэрилтэ бэлиэтэммит итэҕэстэри туоратар үлэтин саҕалаабыт, бастатан туран хайыта барыыларга кумах булкаастаах битум кутар. Оттон аспаал олоруута эбэтэр, төттөрүтүн, үллэн тахсыыта «Водоканала» АУо турбалары ыыппыт уонна холуодьас туруорбут сирдэринэн бэлиэтэнэр. Онон «Водоканалы» кытта маннык ис хоһоонноох алдьаныылары туоратар үлэ ыытыллыахтаах.
Табаҕа уонна Хатас бөһүөлэктэригэр ыытыллыбыт суол өрөмүөнүн көрүү түмүгүнэн «Главстрой» МХТ суол тутуутугар исписэлииһэ Пётр Андреев Табаҕа бөһүөлэгэр өрөмүөннэммит Берёзовая уулуссаҕа аспаал үс сиринэн хайыта барбытын, оттон Каландаришвили уулуссаҕа тротуар хайыта барбытын эттэ. Алдьаныылары «РИК Автодор» ААУо туоратыахтаах. 
Хатас бөһүөлэгэр өрөмүөннэммит Шараборин, Молодежнай, Совхознай, Панаев уулуссаларыгар эмиэ алдьаныылар бааллар. Ону бэдэрээттээх «Альянс 2005» ХЭТ туоратар. «Главстрой» МХТ бу алдьаныылары бэс ыйын аһарбакка туоратарга сорудахтаата.
Бэлиэтээн эттэххэ, ыам ыйын 2 күнүнээҕи үгэс буолбут бэнидиэнньиктээҕи былаанныыр мунньахха Евгений Григорьев «дьаама өрөмүөнүн» бу нэдиэлэни ааспакка түмүктүүргэ сорудахтаабыта.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.