Георгий Балакшин Ил Дархан сүбэһитинэн ананна

2008 сыллааҕы Олимпийскай оонньуулар боруонса призера, 2002, 2004, 2006 сылларга Европа чемпиона, Арассыыйа хас да төгүллээх чемпиона Георгий Балакшин Ил Дархан сүбэһитинэн ананна. Ол туһунан ыйаахха Айсен Николаев ыам ыйын 11 күнүгэр илии баттаата. 
Георгий Балакшин 1980 сыллаахха кулун тутар 6 күнүгэр Саха АССР Ленинскэй оройуонугар төрөөбүтэ. Артур Иннокентьевич Пахомов салалтатынан 9 сааһыттан буоксанан утумнаахтык дьарыктаммыта.
1997 сылтан Үрдүкү спортивнай маастарыстыба оскуолатыгар тренер-преподаватель.
2006 сыллаахха М.К. Аммосов аатынан Саха государственнай университетын Физическэй култуураҕа уонна спорка институтун бүтэрбитэ. 
2008 сыл кулун тутар 2 күнүттэн 2013 сыл муус устар 19 күнүгэр диэри Ил Түмэн Судаарыстыбаннай Мунньаҕын депутата. 
2010 сыллаахха бэс ыйыгар РФ Федерациятын Сэбиэтигэр Саха сирин Судаарыстыбаннай Мунньаҕын бэрэстэбиитэлинэн талыллыбыта. 
2013 сыл кулун тутар 21 күнүттэн – СӨ спорка миниистирин бастакы солбуйааччы.
2016 сыл сэтинньи 24 күнүттэн 2018 сылга диэри СӨ спорка миниистирэ.