Гагаринскай уокурукка босхо юридическай консультациялар буолуохтара

Атырдьах ыйын 7 күнүгэр  Гагаринскай уокурукка куорат Уокуруктааҕы дьаһалтата босхо юридическай консультациялары тэрийэр. 
Тэрээһин атырдьах ыйын 7 күнүгэр, субуотаҕа, Гагаринскай уокурук Управлениетын дьиэтигэр буолуоҕа. Аадырыһа: Дьокуускай куорат, Можайскай уул., 13/3Г, 1-кы корпус.
Ыытыллар кэмэ: 09-00 чаастан 14-00 чааска диэри.
Юридическай консультациялары ыытар тэрилтэлэр:
· Уокуруктааҕы дьаһалта опекаҕа уонна попечительствоҕа салаата;
· Уокуруктааҕы дьаһалта куорат тутуутугар уонна тырааныспар инфраструктуратыгар Департамена;
· Уокуруктааҕы дьаһалта «Сир сыһыаннаһыыларыгар Агентствота» МХТ;
· «Куорат хаһаайыстыбатын үлэлэтэр Сулууспа» МХТ;
· Уокуруктааҕы дьаһалта "Гражданскай оборонаҕа, нэһилиэнньэни уонна территориялары айылҕа уонна техногеннай хайысхалаах ыксаллаах быһыыттан-майгыттан көмүскүүр, баһаарынай өттүттэн куттал суох буоларын хааччыйар Управлениета" МХТ;
· Уокуруктааҕы дьаһалта үөрэҕириигэ Управлениета;
· «Горсвет» МУТ;
· «СӨ үлэҕэ уонна социальнай сайдыыга Министиэристибэтин иһинэн Дьокуускай куорат нэһилиэнньэтин социальнай харысхалыгар уонна үлэҕэ Управлениета» СӨ ГКТ;
· СӨ киһи быраабыгар Уполномоченнайа;
· Дьокуускай куорат Прокуратурата.
Юридическай консультацияларга гражданскай, сир туһунан, дьиэ кэргэн, суол, үөрэҕирии, доруобуйа харыстабылын уо.д.а. боппуруостарга хоруйдары ылыахха сөп.  
Куорат атын уокуруктарыгар хаһан итинник босхо юридическай консультациялар буолалларын туһунан  Уокуруктааҕы дьаһалта официальнай сайтыгар Yakutskcity.ru билсиэххэ сөп.