04.03.2022 | 18:00

Гаастааһын сайдыытыгар сөптөөх миэрэ ылылынна

Гаастааһын сайдыытыгар сөптөөх миэрэ ылылынна
Ааптар: Киин Куорат
Бөлөххө киир

Кулун тутар 3 күнүгэр куорат баһылыга Евгений Григорьев уонна  «Сахатранснефтегаз» АУо генеральнай дириэктэрэ Алексей Колодезников оробуочай көрсүһүүлэрэ буолла. Бу туһунан Олохтоох дьаһалта пресс-сулууспата иһитиннэрдэ.
Көрсүһүүгэ социальнай гаастааһын бырагырааматын олоххо киллэриини, гаас ситимнэрин кыамтатын, итини кытта сир үлэтигэр көҥүлү ылааһыны тэтимирдиини, гаас ааһар сир учаастактарын быраапка олоҕуран докумуоннаһыыны, бэдэрээтчит тэрилтэлэр уонна ресурсанан хааччыйааччылар үлэлэрин дьүүллэстилэр. 
Дьокуускай – өрөспүүбүлүкэ киин куората, Саха сирин олохтоохторун үгүс өттө манна олороллор.  Ол иһин социальнай гаастааһын бырагырааматын улахан кэриҥэ манна ыытыллар. «Сахатранснефтегаз» АУо Олохтоох дьаһалтаны кытта олорор дьиэлэри бырагыраамаҕа киллэрэргэ күүскэ үлэлэһэллэр. Холобур, былырыын алтынньы ыйтан саҕалаан социальнай гаастааһын штабын иһинэн 350-тан тахса сайаапка ааста. Итинтэн 166 олорор дьиэҕэ бырагырааманан босхо гаас ситимэ тардылынна. 2024 сылга диэри Дьокуускай куорат үрдүнэн 1110 дьиэни гаастааһын былааннанар. 
Урукку сылларга гаас ситимэ аһардар кыамтатын муниципалитеттар быһаараллара, онтон 2021 сылтан «Сахатранснефтегаз» АУо социальнай гаастааһын бырагырааматын регионнааҕы оператора буолан, гаас ситимин аһардар кыамтатын дефицитын суох гынары эмиэ кини быһаарар. 
Саха сирин Баһылыга Айсен Николаев уонна өрөспүүбүлүкэ салалтатын быһаарыытынан, аан бастакы төгүлүн, киин куорат үрдүнэн  2022 сылга гаас ситимин аһардар кыамтатын дефицитын суох гынарга 211 мөлүйүөн солкуобай көрүлүннэ. 
«Ити кэлэр сылларга гаас ситимигэр 2000 кэриҥэ дьиэни холбуурга техническай кыаҕы биэрэр. Ол туһугар быйыл 20 км уһуннаах гаас ситимэ, 11 гаас эбийиэктэрэ тутуллуохтара уонна да атын гаас инфраструктуратын сайыннарар үлэ ыытыллыаҕа», – диэн бэлиэтээтэ  Алексей Колодезников.
Быйыл Покровскайдыыр тракка баар «Ионосфера», «Сыырдаах», «Степной», «Виктория» СОТ-тарга гаас ситимин аһардар кыамтатын дефицитын туоратыахтара. Намныыр тракт 13 км. гаас ситимин тарҕатыы бырайыага саҕаланна. Итини сэргэ эмиэ быйыл Көтөр фабрикатыттан АГАТУ оройуонугар диэри учаастакка үрдүк баттааһыннаах гаас ситимин саҥардан оҥоруу саҕаланна, үлэ түмүктэннэҕинэ ити оройуоҥҥа олорооччулар гаас ситимигэр холбонор кыахтаныахтара. Маны таһынан, дефициты суох гыныы намыһах уонна орто баттааһыннаах гаас ситимин схематынан оҥоһуллуоҕа: Марха уонна Пригороднай дьоҕус оройуоннарыгар бырайыактыыр-сметалыыр, оттон «Хонуу» уонна «Мир» ДСК, Көтөр фабрикатын оройуонугар тутар-таҥар үлэлэр саҕаланыахтара.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...