Гаас ситимин тардыыга 47 мөл. көрүллүөҕэ

Киин куорат дьаһалтатын пресс-сулууспата иһитиннэрбитинэн, Дьокуускай таһыгар баар сир учаастактарын гаастааһыҥҥа бырабыыталыстыба 47 мөлүйүөн солкуобайы көрүөҕэ.

Бырамыысыланнас министиэристибэтин уонна „Сахатранснефтегаз“ хампаанньаны кытта үлэ былаана торумнаммытын туһунан куорат хаһаайыстыбатын эксплуатациялыыр сулууспа салайааччыта Айаал Егинов кэпсээтэ.

2021 сылга Нам трагын 13-с килэмиэтиригэр хаҥас өттүнэн гаастааһыны саҕалыахтара. Маны тэҥэ күөх төлөн киирэр былаанын Мархаҕа, «Сыырдаах», «Почтовик», «Степная» учаастактарга, Покровскайдыыр суолга, «Виктория» учаастакка оҥоруохтара.