11.08.2021 | 12:00

Федеральнай суһал штабка Саха сиринээҕи ойуур баһаардарын дьүүллэстилэр

Федеральнай суһал штабка Саха сиринээҕи ойуур баһаардарын дьүүллэстилэр
Ааптар: Киин Куорат
Бөлөххө киир

Атырдьах ыйын 10 күнүгэр, РФ айылҕа баайыгар уонна экологияҕа миниистирэ Александр Козлов ойуур баһаардарын тула федеральнай суһал штаб мунньаҕын ыытта. Миниистир дойдуга буола турар быһыыны-майгыны уустугунан сыаналаата. Мунньахха Саха сиринээҕи ойуур баһаардарын дьүүллэстилэр. Ол туһунан СӨ баһылыгын уонна бырабыыталыстыбатын пресс-сулууспата иһитиннэрдэ.
Федеральнай миниистир баһаары кытта охсуһарга күүһү эбэргэ сорудахтаата, ол иһигэр дойду атын регионнарыттан аҕалары эттэ. 
«Саха Өрөспүүбүлүкэтигэр ааспыт үс күн устата федеральнай бөлөҕү 100-тэн тахса киһинэн элбэттибит. Эбии күүс Ханты-Мансийскайтан уонна  Тюменьтэн, Архангельскай уонна Мурманскай уобаластартан,  Карелия Өрөспүүбүлүкэтиттэн кэллэ. Билигин араас регионнартан 800 киһилээх бөлөҕү хомуйдубут, бары күүһү мустубут», — диэн бэлиэтээтэ Александр Козлов.
Ойуур баһаардарын кытта охсуһуу сүрүн соруга – нэһилиэнньэлээх пууннарга уонна экэниэмикэ эбийиэктэригэр куттал суоһуурун туоратыы буолар. СӨ экологияҕа, айылҕа баайын туһаныыга уонна ойуур хаһаайыстыбатыгар миниистирин бастакы солбуйааччы Семен Яковлев иһитиннэрбитинэн, бүгүҥҥү күннээҕи туругунан Саха сирин территориятыгар баһаар 6 оройуон 13 нэһилиэнньэлээх пуунун таһыгар баар. 
Өрөспүүбүлүкэ баһаардарын умуруорууга 4299 киһи уонна 655 тиэхиньикэ, авиация үлэлиир. Регион эбии көмөҕө, идэтийбит каадырдарга наадыйара чуолкайданна. Федеральнай миниистир сорудаҕынан боппуруос суһаллык быһаарыллыахтаах. 
Миниистир сэрэхтээх балаһыанньа ордук сытыытык турар субъектарыгар көмөлөһөр сыаллаах баһаардары кытта охсуһарга ыытыллар үбүлээһини хос көрө наадалааҕын бэлиэтээтэ. 
Итини сэргэ, Александр Козлов атырдьах ыйын 31  күнүгэр диэри регионнар ойуур сыһыаннаһыыларын эйгэтигэр көрүллэр эһиилги үбүлээһин кээмэйин быһааралларыгар эттэ. Ити хайысханан регионнар сүрүн ороскуоттарын Арассыыйа үпкэ Министиэристибэтин иннигэр көмүскүөхтээхтэр.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.