17.06.2020 | 20:24

Эйэлээх олоҕу уруйдуохпут

Эйэлээх олоҕу уруйдуохпут
Ааптар: Киин Куорат

Егор Семенович Николев, Аҕа дойду Улуу сэриитин бэтэрээнэ, «Германияны Кыайыы иһин”, “Японияны кыайыы иһин” 1 степеннээх уордьаннар хаһаайыннара:

Саамай сүдү национальнай суолталаах бырааhынньыкпыт Ыһыах буолар. Оттон миэхэ Туймаада Ыһыаҕа сыл аайы саамай кэтэһиилээх, дьоллоох түгэн.

Биhиги дьиэ кэргэн оҕолорбутун, сиэннэрбитин кытта Туймаада Ыhыаҕар эрдэттэн ох курдук оҥостор, сыл устата таҥас-сэп бэринэр, ас-үөл бэлэмнэнэр үгэстээхпит. Үс Хатыҥҥа киирэн ыһыах көрүн-нарын көрөн, аймах-билэ дьоммутун көрсөн дуоһуйа сынньанааччыбыт. Араас култуурунай, спортивнай тэрээhиннэри, атыыны-эргиэни кэрийээччибит уонна, биллэн турар, ыһыах саамай сүрүн туомугар - Күнү көрсүүгэ кыттыһааччыбыт. Мин төһө да сааһырдарбын, Дыгын Оонньууларын уонна ат сүүрдүүтүн көтүппэт идэлээхпин, трибунаҕа барытын ууран олорон көрөрбүн ордоробун.

Былырыын Олоҥхо ыһыаҕа дойдубар Намҥа ыытыллыбыта, 200 тыhыынчаттан тахса киһи кэлэн астынан барбыта. Намнар тэрийбит ыһыахтарын өрөспүүбүлүкэ салалтатыттан саҕалаан, боростуой үлэһит дьоҥҥо тиийэ хайҕаан тарҕаспыттара. Онон өрүү киэн туттабын.

Хомойуох иhин быйыл коронавирус тарҕанан, Улуу Кыайыы 75 сылын бырааhынньыга онлайн ааспыта.  Ыhыах эмиэ онлайн буолар диэн сиэннэрим эрдэттэн сэрэппиттэрэ. Эрэнэбин, үчүгэйдик ааһыаҕа, алгыстаныахпыт, Айыыларбыт арчылыахтара, күн биһиги диэки көрүө. Биир бэйэм, бэс ыйын 24 күнүгэр Кыайыы параада буоллаҕына, кыттыам диэн эрэх-турах санаалаахпын.

Кыргыттарым, сиэним уонна сиэн кийиитим быраастар, коронавируһу утары үлэлии сылдьаллар. Аттыттар бары дьиэттэн олорон үлэлииллэр, үөрэнэллэр. Карантин буолан ыһыахпытыгар төлөпүөнүнэн кэпсэтэн, көмпүүтэринэн көрсүһэн бииргэ буолуохпут.

Ыhыах бырааhынньыгынан, бар дьонум!

Улуу Кыайыы 75 сылынан, Аҕа дойду сэриитин саллааттарын, тыылга үлэлээбит бэтэрээннэри, бары өрөспүүбүлүкэ олохтоохторун ис сүрэхпиттэн эҕэрдэлиибин! Чөл туругу, кытаанах доруобуйаны, ыраас халлааны, сэриитэ суох эйэлээх олоҕу баҕарабын!

Дьол-соргу тосхойдун, быйаҥнаах байылыат олох нусхайдын!

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.