Евгений Григорьев ыар сүтүктээхтэргэ кутурҕанын биллэрдэ

Бэҕэһээ Казань 175-с №-дээх оскуолатыгар буолбут ытыалаһыыга үгүс киһи суорума суолланна. Киин куорат баһылыга ыар сүтүктээхтэргэ кутурҕанын биллэрдэ.   
«Казань 175 №-дээх орто оскуолатыгар буолбут быһылаан биһигини барыбытын аймаата.  Бу иэдээҥҥэ түбэспит дьоҥҥо, кинилэр чугас дьонноругар дириҥ кутурҕаммытын биллэрэбит. Татарстан өрөспүүбүлүкэтин Казань куоратын олохтоохторун кытта аһыыгытын тэҥҥэ үллэстэбит», – диэн баһылык Инстаграм аккаунугар  суруйда.