09.07.2024 | 09:45

Евгений Григорьев VIII-с «Азия оҕолоро» түмүгүнэн Олохтоох дьаһалта үлэһиттэрин кытта мунньахтаата уонна спортсмен оҕолору чиэстээтэ

Евгений Григорьев VIII-с «Азия оҕолоро» түмүгүнэн Олохтоох дьаһалта үлэһиттэрин кытта мунньахтаата уонна спортсмен оҕолору чиэстээтэ
Ааптар: Киин Куорат
Бөлөххө киир

VIII-с «Азия оҕолоро» Норуоттар икки ардыларынааҕы спортивнай оонньуулар бэс ыйын 25 күнүттэн от ыйын 7 күнүгэр диэри Дьокуускай куоракка буолан аастылар.
Оонньуулар түмүктэринэн баһылык Евгений Григорьев Олохтоох дьаһалта структураларын уонна тэрилтэлэрин бэрэстэбиитэллэрин кытта тэрээһин чэрчитинэн ыытыллыбыт үлэ түмүгүнэн мунньахтаата, ону сэргэ Оонньууларга өрөспүүбүлүкэбит, Дьокуускай куорат чиэһин көмүскээбит спортсмен оҕолору чиэстээтэ.
Баһылыгы куорат хаһаайыстыбан боппуруостарыгар солбуйааччы Егор Кардашевскай иһитиннэрбитинэн, Оонньуулары көрсө Дьокуускай куоракка 49 дьиэ эркинэ кырааскаламмыт, ол иһигэр куорат күүһүнэн – 29 элбэх кыбартыыралаах олорор уонна 9 тэрилтэ дьиэтэ, СӨ хапытаалынай өрөмүөн пуондатын күүһүнэн – 11 элбэх кыбартыыралаах дьиэ. Маны таһынан 23 тыһ. кв. м. усталаах уулусса-суол ситимигэр дьаама өрөмүөнэ ыытыллыбытын, 32 тыһ. кв.м. иэннээх суолга аспаал өрөмүөнэ оҥоһуллубутун, 3800 пог. м. усталаах бордюр өрөмүөннэммитэ, 4 134 пог. м. усталаах бордюр уларытыллыбыта бэлиэтэннэ.
Егор Кардашевскай бэйэтин отчуотугар маны сэргэ 18 уопсастыбаннай миэстэҕэ, 3 пааматынньыкка өрөмүөн ыытыллыбытын, Бүлүүлүүр суол – Окружной шоссе уонна Хатыҥ Үрэх – Окружной шоссе быһа охсуһууларыгар тупсарыы үлэтэ барбытын, куораты барытын хабар киэҥ хабааннаах көҕөрдүү үлэтэ оҥоһуллубутун иһитиннэрдэ. 
Куорат баһылыгын куораты, тырааныспар өҥөтүн сайыннарыы уонна тырааныспарынан хааччыйыыны тэрийии боппуруостарыгар солбуйааччы Антон Алексеенко эбийиэктэр өрөмүөннэрин, тутуу туһунан отчуоттаата. Ол курдук, куорат спорт оскуолаларыгар барытыгар хапытаалынай өрөмүөн ыытыллыбытын, чуолаан сэттэ оскуола хапытаалынай өрөмүөнүгэр 100 мөл. солк. туһаҕа тахсыбытын, итини сэргэ Роман Дмитриев аатынан уонна Сайсары эбэ кытылларыгар киэҥ хабааннаах үлэ барбытын иһитиннэрдэ. 
Мунньах түмүгүнэн баһылык Евгений Григорьев Олохтоох дьаһалта бары салааларыгар «Азия оҕолоро» НИСО тэрийиигэ түмсүүлээх үлэлэрин иһин махталын биллэрдэ. 
VIII-c «Азия оҕолоро» Оонньууларга кыттар өрөспүүбүлүкэ сүүмэрдэммит хамаандатын састаабыгар Дьокуускай куораттан 39 спортсмен оҕо кыттан, спорт 16 көрүҥэр уопсайа 49 мэтээли ылары ситистилэр: 14 кыһыл көмүс, 15 үрүҥ көмүс уонна 20 боруонса! 
Бу күн киэһэ баһылык Евгений Григорьев эдэр спортсменнарга махтал суруктары уонна туһааннааҕынан 30, 20 уонна 10 тыһ. солк. кээмэйдээх харчынан бириэмийэҕэ сертификаттары туттарда. Спортсменнары чиэстээһин «Азия оҕолоро» Оонньуулар эмблемалара ойуулаах тордунан түмүктэннэ.
Санатар буоллахха, «Азия оҕолоро» Оонньуулар аан бастаан 1996 сыллаахха Бастакы бэрэсидьиэн Михаил Николаев көҕүлээһининэн ыытыллыбыттара. Оонньуулар бу сыллар усталарыгар Азия 40 араас дойдутутттан 15 тыһ. эдэр спортсмены түмтүлэр, диэн иһитиннэрэр Олохтоох дьаһалта пресс-сулууспата.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...