12.01.2024 | 14:48

Евгений Григорьев тус приема буолан ааста

Евгений Григорьев тус приема буолан ааста
Ааптар: Киин Куорат
Бөлөххө киир

Бэҕэһээ, тохсунньу 11 күнүгэр, баһылык Евгений Григорьев уочараттаах тус приема элбэх кыбартыыралаах дьиэни көрүүгэ салайар хампаанньа эбээһинэһин тула буолла. 
Ол курдук, Дзержинскэй уулуссатын элбэх кыбартыыралаах дьиэтин олохтоохторо сир сиҥнэн, дьиэ акылаата алдьааныытыгар тиэрдибитин, оттон салайар хампаанньа туһааннаах дьаһаллары ылымматын үҥсэллэр.
Салайар хампаанньа бэрэстэбиитэллэрэ иһитиннэрбиттэринэн, ыйыллар дьиэ хапытаалынай өрөмүөнэ СӨ Хапытаалынай өрөмүөн пуондатын былааныгар 2028 – 2030 сс. турар.
Евгений Григорьев салайар хампаанньаҕа Дьиэ-уот кодексатыгар элбэх кыбартыыралаах олорор дьиэлэр кыраныыссалара ыйылларын, кадастр пааспарыгар дьиэ таһынааҕы территория бэлиэтэнэрин, киирэр суоллар, стоянкалар, оҕо балаһаакката, ТКО тоҕор сир – барыта дьиэни бас билээччилэр уопсай баайдара-дуоллара буоларынан салайар хампаанньаҕа тарыып быһыытынан төлөбүрү оҥоро олороллорун тоһоҕолоон эттэ уонна тустаах салайар хампаанньаҕа бэйэлэрин күүстэринэн территорияларын өрө тардыналларыгар, быстах өрөмүөнү оҥороллоругар уонна олохтоохтору кытта уопсай тылы булалларыгар эттэ. 
«Тиэргэн хапытаалынай өрөмүөнүн «Уһук Илиҥҥэ 1000 тиэргэн» бырагырааманан оҥоруохха сөп. Онуоха салайар хампаанньа дьиэни бас билээччилэр уопсай мунньахтарын тэрийэн, сайаапка ыытыан наада. Чугастааҕы кэмҥэ Хапытаалынай өрөмүөн пуондатын уонна салайар хампаанньа бэрэстэбиитэллэрэ кыттыылаах ыксаллаах быһыыга-майгыга хамыыһыйа мунньаҕын ыытыахпыт. СӨ Хапытаалынай өрөмүөн пуондата үлэ ыксаллаах чааһын былааннаммыт болдьохтон эрдэ саҕалыырын туһунан кэпсэтии барыан наада»,– диэтэ Евгений Григорьев.
Куорат олохтоохторун олорор дьиэ кыһалҕатын таһынан уопсай туоналарга, култуура нэһилиэстибэлэригэр бөрүкүтэ суох сыһыан эмиэ долгутар. Ол курдук приемҥа Сайсары күөл тумул арыытын харыстааһын боппуруоһа көтөҕүлүннэ. Дьокуускай куорат баһылыгын солбуйааччы 2021 сыл тохсунньу 29 күнүнээҕи 92-зр №-дээх дьаһалынан учаастакка религиознай суолта иҥэриллибит. Онон гражданка бу миэстэ ландшафтын оҥорууга аналлаах бырайыагы үбүлээһиҥҥэ көмө көрдөстө. 
Санатар буоллахха, баһылык гражданнары кытта эрдэттэн суруйтарыынан көрсөр. Көрсүһүүгэ суруйтарарга Сурук отделыгар эбэтэр Олохтоох дьаһалта тэрилтэлэригэр сайабылыанньа суруйуохха наада. Сайабылыанньаҕа быһаартарыахтаах боппуруоһу сиһилии ыйар уонна инники өттүгэр атын инстанцияларынан туох быһаарыы ылыллыбытын сыһыарар наада. Маны сэргэ тус дааннайдары ыйар ирдэнэр: төлөпүөн нүөмэрэ, электроннай аадырыс.
Сайабылыанньаны ыытар ньымалар:
– yakutsk@sakha.ru Олохтоох дьаһалта официальнай электроннай почтатыгар;
– 40-80-76 төлөпүөнүнэн;
– Дьокуускай к., Ленин проспега, 15 аадырыска тиийэн;
– Сурук отделын аадырыһа: Дьокуускай к., Ленин проспега, 15, 113 кэб., үлэ күннэригэр сарсыарда 09:00 чаастан киэһэ 18:00 чааска диэри (эбиэккэ тохтобул – 13:00-14:00 чч.).

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....