Евгений Григорьев тиэргэннэри тупсарыыны бэрэбиэркэлээтэ

Тиэргэн территорияларын кэрийэн көрүүгэ Гагарин уокуругун управатын салайааччыта Евгений Сидоренко, «Главстрой» МХТ бэрэстэбиитэллэрэ, бэдэрээтчит тэрилтэ үлэһиттэрэ кытыннылар.

Управа салайааччытын информациятынан, уокурукка Кузьмин уул., 26/3, 28/3, 30/2, 30/3, 34, 34/1, Можайскай уул., 17/5, 17/6 тиэргэннэрэ аспаалламмыт.

«Можайскай уулуссатын 19,19/1, 21, 21/1 уонна Кузьмин уулуссатын 29, 29/1, 29/2 нүөмэрдээх дьиэлэрин тиэргэннэрэ аспаалланара хаалла. Итиэннэ Кузьмин уул., 28/3 уонна Можайскай уул., 21/1 кыһалҕалаах тиэргэннэринэн быһаарыы ылынныбыт», - диэн иһитиннэрдэ Евгений Сидоренко.

Бэдэрээтчит чуолкайдаабытынан, Кузьмин уул., 28/3, 34, 34/1 тиэргэннэригэр буорун уларыппыттар.

Евгений Григорьев графиктан хаалыы баарын бэлиэтээн туран бэдэрээтчит тэрилтэҕэ үлэни тэтимирдэригэр сорудахтаата. Хас биирдии учаастак уустуктардаах буолан үлэ хаамыытыгар уонна былааҥҥа уларытыылар киирбиттэр.