Евгений Григорьев сылаас тохтубуллар үлэлэрин бэрэбиэркэлээтэ

Баһылык сылаас тохтобуллар үлэлэрин тус бэйэтинэн бэрэбиэркэлээтэ.
Санатар буоллахха, нэһилиэнньэттэн Дзержинскэй уулуссатыгар турар «Спортивная», Хабаров уулуссатыгар баар «Алмазэргиэнбанк» уонна Лермонтов уулуссатыгар тутуллубут «Свердлов» сылаас тохтобулларга тымныы диэн үҥсүү киирбитэ. Маны сэргэ «Силуэт» уонна «Областнай балыыһа» тохтобулларыгар уот суоҕа биллибитэ. Тохсунньу 24 күнүгэр ааттаммыт тохтубулларга итэҕэстэр туоратыллыбыттар. 
Икки сыл иһигэр киин куоракка 35 сылаас тохтобул тутулунна. Кинилэр үлэлэрин Виктор Обутов салайааччылаах «Уопсастыбаннай туоналары салайар киин» муниципальнай тэрилтэ көрөр-истэр.
Тохтобуллар үлэлэрин графига кэһиллэр, санитарнай туруктара мөлтөх буоллаҕына, 43-33-22 нүөмэринэн эрийиэххэ наада. Оттон уопсастабыннай бэрээдэги кэһии, вандализм түгэннэрин полицияҕа биллэрэр ирдэнэр.