23.12.2022 | 11:00

Евгений Григорьев суруналыыстары кытта көрүстэ

Евгений Григорьев суруналыыстары кытта көрүстэ
Ааптар: Киин Куорат
Бөлөххө киир

Сылаас тохтобулларга, оптуобус маршруттарыгар, суол өрөмүөнүгэр уонна да атын киин куорат олохтоохторун долгутар ыйытыыларга суруналыыстары кытта пресс-конференцияҕа куорат баһылыга Евгений Григорьев хоруйдаата.

Куорат олохтоохторо кыһыҥҥы кэмҥэ сылаас тохтобулларга наадыйалларын, үгүс тохтобул үлэлээбэтэ бэлиэтэннэ. Баһылык куорат үрдүнэн баар сылаас тохтобуллар үлэлэрэ мэлдьи хонтуруолланарын, быйыл вандаллар 9 тохтобулу алдьаппыттарын кэпсээтэ.

Сорох маршруттарга оптуобус аҕыйаҕа этилиннэ. Евгений Григорьев оптуобус маршруттарын үөрэтэргэ, төһө пассажир айанныырын уонна ханан оптуобус сылдьара ирдэнэрин чопчулуурга научнай чинчийии оҥоһулларын, түмүгэ эһиилги сыл бастакы кыбаарталыгар биллиэхтээҕин, эбии өссө сүүс оптуобуһу ылар былаан баарын иһитиннэрдэ. Баһылык куорат нэһилиэнньэтэ сылын аайы 3% эбиллэн иһэрин бэлиэтээтэ.

Тыын суолталаах боппуруостартан биирдэстэрэ – арыгы эргинэр туочукалар, «2022 сылга улахан үлэни ыыттыбыт. Ол курдук, ыам ыйыгар арыгы атыылыыр сирдэр социальнай эбийиэктэртэн 100 м тэйиччи туруохтаахтарын туһунан уурааҕы ылыммыппыт уонна ырааҕын кээмэйдиир оросчуоту уларыппыппыт. Билигин аантан ааҥҥа диэри, көнөтүк ааҕабыт. Ити миэрэ көмөтүнэн куорат киинигэр саҥа алкомаҕаһыыннар арыллаллара бобуллубута», - диэтэ баһылык.

Пресс-конференция туһунан сиһилии хаһыат кэлэр нүөмэригэр тахсыаҕа.

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Рулет арааһын астыахха
Тускар туһан | 23.03.2024 | 10:00
Рулет арааһын астыахха
Бүгүн ааҕааччыларбытыгар астыырга чэпчэки уонна судургу, ол эрээри олус минньигэс уонна тотоойу сокуускалар ырысыаптарын бэчээттиибит. Бырааһынньыктааҕы сандалыгытын киэргэтиэхтэрэ, өрөбүллэргэ сонун бүлүүдэ буолуохтара.