25.01.2024 | 18:30

Евгений Григорьев Сайсары олохтоохторун иннигэр отчуоттаата

Тохсунньу 24 күнүгэр баһылык Евгений Григорьев 2023 сыллааҕы үлэ түмүгүнэн Сайсары уокуругун олохтоохторун иннигэр отчуоттаата.
Евгений Григорьев Сайсары олохтоохторун иннигэр отчуоттаата
Ааптар: Киин Куорат
Бөлөххө киир

Ааспыт 2023 сылга Сайсары оройуонугар Винокуров уулуссатын Ильменскэйтэн Чайковскай уулуссатыгар диэри учаастагын өрөмүөнэ саҕаланан, 2024 сылга түмүктэниэхтээх. Быйыл итини сэргэ Генерал Притузов уонна Макаренко уулуссаларыгар хапытаалынай өрөмүөн ыытыллаары турар.

Уопсастыбаннай туоналары тупсарыы чэрчитинэн былырыын Бриллиант сэргэ оҥоһуллубут, Сайсары күөл кытылын тупсарыы үлэтэ саҕаламмыт.

Доруобуйа харыстабылын эйгэтигэр Өрөспүүбүлүкэтээҕи кардиология диспансерын иккис уочарара – 150 куойкалаах кардиососудистай балыыһа тутуллубут.

Уокурукка бөҕөргөтүүгэ эмиэ дьоһун болҕомто ууруллар. Ол курдук, 20 №-дээх Герой Попов аатынан оскуолаҕа спорт саалата тутуллубут. Аны сайын ыытыллар «Азия оҕолоро» оонньуулары көрсө Ильменскэй уулуссаҕа элбэх функциялаах спорт саалата үлэҕэ киирээри турар. Кэлэр 2024-2026 сылларга дорубуйаларынан хаарчахтаах оҕолорго 550 күнүскү, ол иһигэр 350 хонуктаах миэстэлээх адаптивнай үөрэх комплексын тутуу былааннанар.

Хаарбах дьиэттэн көһөрүү өрөспүүбүлүкэтээҕи аадырыстаах бырагырааматынан 176 дьиэттэн 485 киһи көһөрүллүбүт, муниципальнай бырагырааманан – 3 дьиэттэн 20 киһи. 2024 сылга өрөспүүбүлүкэтээҕи аадырыстаах бырагырааманан 24 дьиэттэн –  82 киһи, муниципальнай бырагырааманан 2 дьиэттэн 11 киһи саҥа дьиэҕэ көһөрө күүтүллэр.

Үс сыллаах тупсарыы чэрчитинэн былырыын Чайковскай уул., 30/1, 30/3, 30/4 тиэргэннэрэ тупсарыллыбыттар, быйыл Лермонтов уул., 178/1 оҥоһуллаары турар.

Баһылык отчуотун кэнниттэн олохтоохтор 18 №-дээх оскуолаҕа салҕааһын уонна киирэр суол, «Маяк» библиотека дьиэтигэр хапытаалынай өрөмүөн, уокурукка култуура-сынньалаҥ киинэ, социальнай гаастааһын, Билибин уул., 20/1 дьиэтигэр суол, 2 №-дээх Өрөспүүбүлүкэтээҕи коррекционнай оскуола таһыгар сылаас оптуобус тохтобула наадатын туһунан санааларын эттилэр.

Уокурук уопсастыбаннай сэбиэтин бэрэссэдээтэлэ, 25 №-дээх оскуола дириэктэрэ Иван Захаров кэлиҥҥи 10 сылга Сайсары уокуруга куорат атын уокуруктарыттан хаалсыбат гына сайдан, тупсан иһэрин бэлиэтээтэ, диэн Олохтоох дьаһалта пресс-сулууспата иһитиннэрэр.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...