Евгений Григорьев саҥа салайааччылары анаата

Бүгүн, муус устар 30 күнүгэр, киин куорат баһылыга Евгений Григорьев бу туһунан дьаһалга илии баттаата.

Рязанскай Василий Васильевич 1970 сыллаахха балаҕан ыйын 22 күнүгэр Чурапчы улууһун Чурапчы сэлиэнньэтигэр төрөөбүтэ.

Үрдүк үөрэхтээх, тэрилтэ менеджерэ идэлээх. 2015 сыллаахха “Судаарыстыбаннай уонна муниципальнай салайыыны быраабынан хааччыйыы” идэҕэ саҥаттан бэлэмниир бырагырааманы бүтэрбитэ.

Үлэтин суола Чурапчытааҕы эт-үүт кэмбинээтиттэн саҕаламмыта.  Араас кэмҥэ салайар дуоһунастарга үлэлээбитэ.

2019-2021 сс. – В.А. Босиков аатынан Музыка Үрдүкү оскуолатыгар научнай уонна айар үлэ отделын уопсастыбаннаһы кытта сибээс специалиһа.

Иванов Александр Александрович 1988 сыллаахха от ыйын 21 күнүгэр Дьокуускай куоракка төрөөбүтэ.

Үрдүк үөрэхтээх юрист. 2010-2011 сс. Мииринэй куоракка Оҕо спортивнай оскуолатыгар үлэлээбитэ. 2013 сылтан Дьокуускай куорат муниципальнай тэрилтэлэригэр араас дуоһунастарга үлэлээбитэ.

2015-2019 сс. – “Куорат хаһаайыстыбатын үлэлэтэр сулууспа” муниципальнай хааһына тэрилтэтигэр быраап отделын начаалынньыга.

2019-2021 сс. – Дьокуускай куорат Промышленнай уокуругун управлениетын начаалынньыга.

Мартынов Николай Николаевич 1981 сыллаахха от ыйын 24 күнүгэр Дьокуускай куоракка төрөөбүтэ.

Үрдүк үөрэхтээх, политолог, история учуутала идэлээх. Биир кэмҥэ предприниматель быһыытынан үлэлээбитэ. Уопсастыбанньык.

2018 сыллаахха  «Арена 31» ыччат киинин төрүттээбитэ. 2018 сылтан “Дьокуускай куорат Аҕаларын сэбиэтэ” уопсастыбаннай тэрилтэ тэрийээччитэ уонна чилиэнэ.

2019 сылтан Дьокуускай куорат Уопсастыбаннай Палаататын бэрэссэдээтэлин солбуйааччы, СӨ Ыччат дьыалаларыгар уонна социальнай коммуникацияларыгар министиэристибэтин Уопсастыбаннай Сэбиэтин бэрэссэдээтэлэ, “Народный Фронт «За Россию» Бүтүн Арассыыйатааҕы уопсастыбаннай хамсааһын Саха сиринээҕи салаатын чилиэнэ.

2020 сылтан СӨ предпринимателлэрин быраабын көмүскүүр боломуочунай уопсастыбаннай бэрэстэбиитэлэ.