02.08.2022 | 14:00

Евгений Григорьев саҥа маршрут оптуобуһун көрдө

Евгений Григорьев саҥа маршрут оптуобуһун көрдө
Ааптар: Киин Куорат

Куорат баһылыга Евгений Григорьев, «ЯПАК» МУТ дириэктэрэ Валерий Домотов бүгүн 100 №-дээх куорат иһинээҕи саҥа маршрут оптуобуһун көрдүлэр-иһиттилэр. Тырааныспары характеристикатыгар сөп түбэһиитин бэрэбиэркэлээтилэр уонна маршруту кытта билистилэр диэн иһитиннэрдэ Олохтоох дьаһалта пресс-сулууспата. 
Ити курдук, саҥа 100 №-дээх маршрут оптуобуһа «Медкиин» тиһэх тохтобулуттан «Аэропорт» түмүктүүр тохтобулугар диэри сылдьар. Айанын устун оптуобус Гимеин – ЯГСХ – Триумф – Муус Хайа – Автовокзал – Цирк – ЯСХТ – Кулаковскай аатынан КД – Банковскай – Столичнай ырыынак – Новопортовской – Аэропорт  тохтобулларынан ааһар.
Евгений Григорьев уонна Валерий Домотов болҕомтолорун төһө элбэх пассажир сылдьарыгар, оптуобус аэропортка киирэригэр уурдулар. Пассажирдар уонна аэропорт үлэһиттэрэ саҥа маршрут олус табыгастааҕын бэлиэтээтилэр. 
«Билиҥҥи туругунан куорат иһинээҕи маршрукка 100 №-дээх биэс оптуобус боруобалааһыны ааһа сылдьаллар, салгыы ити маршрут оптуобуһун 15-20 ахсааҥҥа тириэрдэр былааннаахпыт», - диэн эттэ «ЯПАК» МУТ дириэктэрэ Валерий Домотов.
Суоппар иһитиннэрбитинэн, сайын устата пассажирдар саҥа КАВЗ 4270 мааркалаах оптуобустары табыгастаахтар диэн биһирээбиттэр. Итинник оптуобус уопсайа 90 пассажиры батарарга оросчуоттаммыт, доруобуйаларынан хааччахтаах гражданнарга барсар усулуобуйалаах, видеонан кэтээн көрөр камералардаах уонна кондиционердаах. 
Саҥа маршрутунан оптуобустар атырдьах ыйын 1 күнүттэн сылдьан саҕалаатылар.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.