04.03.2021 | 15:44

Евгений Григорьев: “Сөптөөх бэлэми бардыбыт”

Евгений Григорьев: “Сөптөөх бэлэми бардыбыт”
Ааптар: Киин Куорат
Бөлөххө киир

Дьокуускай куорат баһылыгын эбээһинэһин толоро сылдьыбыт Евгений Николаевич Григорьев бүгүн Киин быыбардыыр хамыыһыйаҕа 13 ч. Уокуруктааҕы баһылык дуоһунаһын быыбарыгар кандидатынан регистрацияланна уонна 14 ч. “Территориялары салайыы агентствота” МУТ хонтуоратыгар суруналыыстарга пресс-конференция оҥордо.

Биир чаас иһигэр элбэх ыйытыкка хоруйдаата.

Бастаан бу саалаҕа 2018 сылга бэс ыйыгар Сардаана Авксентьева мээр солбуйааччытынан ыҥырыытынан ананан кэлиэҕиттэн үлэтин саҕалаабытын билиһиннэрдэ. Хас улахан тутууну ыытарга, ханнык суолу оҥорууга   барыларыгар биирдии анал дуоскалары ыйаабыттар. Онно испиискэ хаатын саҕа силимнээх кыһыллыҥы тэтэркэй, күөх, саһархай кумааҕыларга ким тугу оҥоруохтааҕа, оҥороро суруллан сыһыарыллыбыт. Төһөнөн элбэх кумааҕы ыйаммыт – оччонон элбэх тэрилтэ хабыллыбыт. Сакаасчыт, бэдэрээччит, эппиэттээх  кумааҕыга дьүһүннэринэн тугу оҥорбуттарын, ситэрэ иликтэрин тута билэр. Онон  мунньахтары уһаппакка түргэнник быһаарсарга көмөлөһөр эбит.

Аан бастаан “Куттала суох уонна хаачыстыбалаах суоллар” национальнай бырайыакка киирэргэ докумуону баттаһан оҥоруо суохпут диэн аккаастаныах түгэҥҥэ түргэнник толкуйдааһын, сүүрүү–көтүү түмүгэр элбэх ситиһиллибит. Ааспыт сылга хайа да сыллааҕар элбэх суол оҥоһуллуохтааҕа, өрөмүөннэниэхтээҕэ былааҥҥа кииирбитэ болдьоҕор ситэриллибит. Быйылгы сылга быһа холуйан 50-чэ км суол оҥоһуллара уонна өрөмүөннэнэрэ, Ленин проспега олох аныгылыы саҥардыллара күүтүллэр. Кандидат этэринэн, ити хайысхаҕа, айылҕа мэһэйдээбэтэҕинэ, урукку сыллардааҕар түөрт-биэс төгүл, былырыыҥҥытааҕар икки төгүл  элбэх, ол эбэтэр кэнники уонча сыл оҥоһуллубут саҕа үлэ толорулларыгар үп тыырыллыбыт. Евгений Григорьев “Онно бу икки сылга дьону  араастык үөрэтэн, сөптөөхтүк эрчилиннибит” диэн уобарастаан, толору бэлэмнээхтэрин биллэрэр.

Куоракка баар оптуобус тохтобулларыттан “сылааһа” 32 эрэ, ити барытыттан 10 бырыһыана. Өссө тупсарыллыбыт “сылаас тохтобул” бу кулун тутар сүүрбэтигэр үс, сыл устата 20 эбии үлэҕэ киириэҕэ. 

Дьокуускайга үс аан дойду таһымыгар үлэлиир айти хампаанньа баар. Ордук   “Майтона” элбэх киһини үрдүк хамнастаан үтүө холобуру көрдөрөр. Оҕону, ыччаты итини батыһыннарарга болҕомто уурар баҕалаах. Бүгүн “Ниагара” өрөмүөнүн көрбүт, айтикулууп оҥорорго туһаайбыт.

“ОДьКХ ситимэ эргэрдэ, - диир Евгений Николаевич, - ол үрдүнэн кытаанах ирдэбилинэн улахан алдьаныыны таһаарбакка сааска тиийдибит. Эһиилги кыстыкка элбэх ситим уларытыллара эрэйиллэр”.

Хаарбах дьиэлэртэн көһөрүүнү урут чааһынай дьон сайабылыанньа биэриигэ төлөбүрдэрин ситэ оҥорботторуттан хойутааһын тахсыбыт. Кэлин докумуоннарын төлөбүрдэригэр  спонсордааһыны тэрийэн хамсатыы барбыт. Ити федеральнай барыгыраама 2024 сылга түмүктэнэр, онуоха диэри, кыаллар буоллаҕына, онно тиэрдибэккэ мас дьиэлэртэн барыларыттан көһөрүүнү ситиһэргэ дьулуһуохпут диир ыйытыкка хоруйдааччы.

Тутааччы идэлээҕинэн, онно үлэлээбитинэн ордук олорор дьиэлэри уонна оскуолалары, уһуйааннары тутууну түргэтитиигэ санаата бөҕөх.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
Дьахтар киэли хапчаҕайын искэниттэн өлүө суохтаах
Сонуннар | 07.06.2024 | 10:00
Дьахтар киэли хапчаҕайын искэниттэн өлүө суохтаах
Искэн төрүүр-ууһуур саастаах эдэр дьахталлары булара аан дойду онкогинеколог быраастарын ордук дьиксиннэрэр. Саха сиригэр дьахтар аймах ортотугар киэли хапчаҕайын араага (рак шейки матки) эмиий искэнин кэнниттэн иккис миэстэҕэ турар уонна онкология ыарыытыттан өлүү биир сүрүн төрүөтүнэн буолар. Хомойуох иһин, дьахтар аймах 83%-на балыыһаҕа хомнуо-хойут, ыарыы хайыы үйэ ытарчалыы ылбытын кэннэ...
Үөрэнээччилэр спартакиадалара
Спорт | 07.06.2024 | 12:00
Үөрэнээччилэр спартакиадалара
Өрөспүүбүлүкэ үөрэнээччилэрин спартакиадата бэс ыйын 6-10 күннэригэр спорт 29 көрүҥэр 35 улуустан 1700 оҕо кыттыылаах буолуоҕа.  Бу туһунан билиһиннэрэр пресс-конференцияны Саха Өрөспүүбүлүкэтин үөрэххэ уонна наукаҕа миниистирин солбуйааччы Альбина Аргунова, “Спортивные якутяне” Киин дириэктэрин солбуйааччы Александр Брызгалов уонна Спартакиада сүрүн судьуйата Юрий Балаганскай иһитиннэрдилэр. Спартакиада кыайыылаахтарыгар туттарыллыахтаах Кубоктар, мэтээллэр, спортсменнар экипировкалара...