Евгений Григорьев «Россия 24» телевизионнай ханаал быһа эфиригэр тахсар

Бүгүн, балаҕан ыйын 6 күнүгэр 18.00 чааска  Дьокуускай куорат баһылыга Евгений Григорьев «Россия 24» телевизионнай ханаал «Прямой эфир с городом» бырагырааматыгар кыттан, быһа эфиргэ тахсан, олохтоохтор ыйытыктарыгар хоруйдуоҕа. Ол туһунан Уокуруктааҕы дьаһалта пресс-сулууспата иһитиннэрдэ. 
Евгений Григорьев, куорат Күнэ буолаары турдаҕына, киин куорат социальнай-экономическэй сайдыытын былааннарын, «Куттала суох уонна хаачыстыбаннай суоллар» национальнай бырайыак чэрчитинэн үлэ хаамыытын, хаарбах туруктаах дьиэлэртэн гражданнары көһөрүү бырагыраамаларын, «Мой двор» бырайыак олоххо киириитин уонна оттук сезона саҕаланыытын туһунан кэпсиэҕэ. 
Баһылыкка анаммыт ыйытыктары быһа эфир кэмигэр 32-02-02 нүөмэринэн бэриллэр. Эфир кэмигэр баттаһан бэриллибэтэх, хоруйа суох хаалбыт ыйытыктары куорат баһылыгар салҕыы үлэлээһиҥҥэ биэрэллэр.