07.09.2021 | 16:17

Евгений Григорьев «Россия 24» телевизионнай ханаал быһа эфиригэр таҕыста

Евгений Григорьев «Россия 24» телевизионнай ханаал быһа эфиригэр таҕыста
Ааптар: Киин Куорат

Балаҕан ыйын 6 күнүгэр Дьокуускай куорат баһылыга Евгений Григорьев «Россия 24» телевизионнай ханаал «Прямой эфир с городом» бырагырааматыгар быһа эфиргэ тахсан олохтоохтор ыйытыктарыгар хоруйдаата. Ол туһунан Уокуруктааҕы дьаһалта пресс-сулууспата иһитиннэрдэ. 
Евгений Николаевич киин куорат социальнай-экономическэй сайдыытын былааннарын, «Куттала суох уонна хаачыстыбаннай суоллар» национальнай бырайыак чэрчитинэн үлэ хаамыытын, хаарбах туруктаах дьиэлэртэн гражданнары көһөрүү бырагыраамаларын, Ил Дархан Айсен Николаев көҕүлээһининэн «Мой двор» бырайыак олоххо киириитин уонна оттук сезона саҕаланыытын туһунан кэпсээтэ. 
Баһылык информациятынан, бүгүҥҥү күҥҥэ киин куоракка эргэ уонна хаарбах туруктаах дьиэлэртэн көһөрүү бырагырааматын иккис түһүмэҕэ салҕанар. Санатан эттэххэ, иккис түһүмэххэ 2012 сыл тохсунньу 1 күнүттэн 2017 сыл тохсунньу 1 күнүгэр диэри хаарбах туруктааҕынан билиниллибит дьиэлэр киирэллэр. 
«Дьокуускай куорат территориятыгар 165 итинник дьиэ киирбит. Гражданнары көһөрүү график быһыытынан барар», – диэтэ Евгений Григорьев.
Итини сэргэ куорат баһылыга сокуон уларыйбытынан сибээстээн, холобур, эргэ дьиэ компенсациятын кээмэйиттэн мөккүөрдээх түгэннэр тахсыбыттарын бэлиэтээтэ. 2019 сыл ахсынньы ыйыгар ылыныллыбыт сокуон көннөрүүтүгэр олоҕуран, «дьиэ хаарбах туруктааҕынан билиниллибитин кэннэ бас билиигэ ылбыт гражданнар, нэһилиэстибэҕэ ылбыттартан ураты, атыылаһан ылбыт сыанатыттан элбэх төлөбүрү ылбаттар».
«2025 сылга диэри былааннанан киирбит бырагыраама иккис түһүмэҕэр 173 кыбартыыра дьиэ хаарбах туруктааҕынан билиниллибитин кэннэ ылыллыбыттар. Билиҥҥи туругунан суутунан быһаарсыы бара турар. Ити Арасыыйаҕа киэҥник тарҕаммыт көстүү», – диэн бэлиэтээтэ  куорат баһылыга.
Дойду бэрэсидьиэнэ Владимир Путин «Биир ньыгыл Арассыыйа» съеһигэр 2021 сыл тохсунньу 1 күнүгэр хаарбах туруктааҕынан билиниллибит дьиэлэр олохтоохторун көһөрөр саҥа бырагыраамаҕа 45 млрд. солкуобайы көрөр туһунан этиини киллэрбитэ. Евгений Григорьев эппитинэн, ити хайысханан икки сыл тухары Уокуруктааҕы дьаһалта киэн далааһыннаах үлэни ыытар. 
«Билигин эргэ эбэтэр хаарбах туруктаах дьиэлэргэ баар кыбартыыралар бас билээччилэрэ дьиэни оннугунан билинэргэ биир эрэ сайабылыанньаны суруйаллар. Атын үлэтин, ол иһигэр экспертизаны ааһыыны, отчуоттары толорууну барытын куорат дьаһалтата оҥорор. 2017 сыл тохсунньу 1 күнүттэн 2022 сыл тохсунньу 1 күнүгэр диэри хаарбах туруктааҕынан 615 элбэх кыбартыыралаах дьиэлэри билиннибит, ити 300-чэ тыһыынча кв. м. олорор дьиэ», – диэн иһитиннэрдэ  Евгений Григорьев.
Быһа эфир кэмигэр куоракка үһүс сылын үлэлиир «Куттала суох уонна хаачыстыбалаах суоллар» национальнай бырайыак чэрчитинэн ыытыллар үлэ хаамыыта сырдатылынна. Евгений Григорьев иһитиннэрбитинэн, 2019 уонна 2020 сылларга киин куоракка 50 км кэриҥэ суол тутуллубут уонна өрөмүөннэммит. 2021 сылга эмиэ итиччэ оҥоһуллуохтаах. 
Куорат баһылыга эппитининэн, Уокуруктааҕы дьаһалта  2021-2023 сыллардааҕы тупсарыы үлэтин Үс сылын чэрчитинэн тиэргэн территорияларын тупсаран оҥоруу бырайыагын көҕүлээбит. Ити сыалга муниципальнай бүддьүөттэн 150 мөл. солк. көрүллүбүт. 
«Өрөспүүбүлүкэ баһылыга Айсен Сергеевич Николаев ити саҕалааһыны өйөөтө уонна бырагырааманы биэс сыл ыытарга этии киллэрдэ, эбии 15 тиэргэни тупсаран оҥорорго өрөспүүбүлүкэ бүддьүөтүттэн 150 мөл. солк. көрүлүннэ», – диэн бэлиэтээтэ куорат баһылыга.
Евгений Григорьев бу нэдиэлэҕэ Дьокуускай куорат 2022-2032 сылларга социальнай-экономическай сайдыытын туһунан СӨ Ил Дарханын Ыйааҕа илии баттанарын туһунан иһитиннэрдэ. Ити докумуоҥҥа суруллубут стратегияҕа олоҕуран, Дьокуускай киһи үөрэнэригэр, доруобуйатын харыстыырыгар, табагыстаахтык олороругар уонна ис кыаҕын туһанарыгар бары өттүнэн барсар куоратынан буолуохтаах. 
«2032 сылга диэри ирбэт тоҥҥо турар саамай улахан куораттан саамай бастыҥ куорат буолар сыалы туруорабыт», – диэн түмүктээтэ куорат баһылыга.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...