Евгений Григорьев РФ ис дьыалаҕа уорганын сотрудниктарын идэлээх Күннэринэн эҕэрдэлиир

Убаастабыллаах сотрудниктар уонна полиция бэтэрээннэрэ!

Уокуруктааҕы дьаһалта аатыттан эһигини идэлээх бырааһынньыккытынан – Российскай Федерация ис дьыалаҕа уорганын сотрудниктарын Күнүнэн эҕэрдэлиибин!
Эһиги сулууспаҕыт бочуоттаах эрэ буолбатах, эппиэтинэстээх. Дьиҥ күүстээх уонна бэйэлэрин дьыалаларыгар бэриниилээх, хаһан баҕарар сокуоннаһы, гражданнар олохторун уонна доруобуйаларын көмүскүүргэ бэлэм дьон үлэлэрэ. Ыарахаттары аахсыбакка, эһиги судаарыстыба уонна уопсастыба иннигэр ытык иэскитин үтүө суобастаахтык уонна чиэһинэйдик толороҕут, алдьархайга түбэспит дьоҥҥо көмөлөһөҕүт. Гражданнарга полиция сотруднига – кырдьыктаах быһыыны өрө тутааччы, сокуоннас уонна буруйу оҥорооччулартан эрэллээх көмүскэл. 
Бу күн ураты махтал тылларбын ис дьыала уорганыгар сулууспалааһыҥҥа олохторун анаабыт, ыччакка баай уопуттарын уонна үгэстэрин тириэрдэр МВД бэтэрээннэригэр этиэхпин баҕарабын. Итии туочукаларга, буруйу оҥорооччулары кытта охсуһуу бойобуой пуоһугар олохторун толук уурбут сотрудниктары умнубаппыт, Ийэ дойдуларын иһин үтүөлэрин уонна кинилэр сырдык өйдөбүллэрин кэриэстиибит. Дьоруойдар ааттара сокуону араҥаччылыыр уорганнар устуоруйаларыгар үйэ-саас тухары сурулла сылдьар. 
Эһиги идэтийбит уонна бэриниилээх үлэҕититтэн Саха сирин дьонун нус-хас олохторо, куораппыт уулуссаларын сокуон өттүнэн бэрээдэгэ, дьон куттал суоһаабатыгар эрэллэрэ уонна сокуону кэспиттэр накаастабыллара тутулуктаах.  
Убаастабыллаах доҕоттор, эһиэхэ ситиһиилээх сулууспаны, чэгиэн доруобуйаны, эйэни уонна бары үтүөнү, дьиэ кэргэҥҥитигэр этэҥҥэ буолууну баҕарабын!

Дьокуускай куорат баһылыга Евгений Григорьев