Евгений Григорьев Промышленнай уокурук олохтоохторун кытта көрүстэ

Октябрьскай уокурукка, СӨ Баһылыгын Укааһын бырайыагар киирбит киин куорат 2022-2032 сыллардааҕы социальнай-экономическэй сайдыытын чэрчитинэн, 2025 сылга диэри Бестужев-Марлинскай уул., 64 №-гэр уонна 33-с кыбартаалга Кальвица уулуссаҕа 240 миэстэлээх оҕо уһуйааннара,  Федор Попов сквера, «Квартал труда» креативнай кластер  тутуллара, 27 хаарбах туруктаах элбэх кыбартыыралаах дьиэлэртэн көһөрүү, 20 тиэргэн территориятын тупсаран оҥоруу, 5 спортивнай воркаут-балаһааккалары туруоруу былааннанар.  Ол туһунан куорат баһылыга Евгений Григорьев Промышленнай уокурук олохтоохторун кытта көрсүһүүгэ иһитиннэрдэ.  
Быйыл «Мой двор» бырайыак чэрчитинэн, Ил Дархан Айсен Николаев сорудаҕынан Советскай Армия 50 сыла уул., 23/2 уонна Дзержинскэй уул., 40/3 өрөмүөннэнэллэр уонна тупсаран оҥоһуллаллар. Кэлэр сыл былааныгар Федор Попов уул., 16/3, Кржижановскай уул., 75, 1, 2, 3, 4, 6 корп., Бестужев-Марлинскай уул., 9, Кальвица уул., 5, 5 корп. 1, 2 бааллар.
Киин куорат 2022-2032 сыллардааҕы социальнай-экономическэй сайдыытын чэрчитинэн, хаарбах туруктаах дьиэлэртэн көһөрүү бырагырааматынан 2025 сылга диэри 27 дьиэттэн көһөрүү былааннаммыт (Советскай Армия 50 сыла, Бестужев-Марлинскай, Хабаров, Федор Попов, Челюскин, Василий Манчаары, Рихард Зорге, Беринг, Очиченко уулуссаларыгар баар дьиэлэр).
Көрсүһүүгэ Евгений Григорьев 2022-2025 сылларга Промышленнай уокурукка 407 тирээбиллээх, 1142 лаампалардаах сырдатыы 10 ситимэ тутуллуохтааҕын иһитиннэрдэ. 
Спортивнай воркаут-балаһааккалары быйыл Кальвица уул., 11/1, 2022 сылга итинник балаһааккалары Советскай Армия 50 сыла уул., 86/2, 86/3, 2023 сылга Федор Попов уул., 10/1, 2024 сылга – Богдан Чижик уул., 6, 2025 сылга – Бестужев-Марлинскай, 9 туруоруохтара.    
Уокурук олохтоохторо уулуссалар өрөмүөннэрин туһунан ыйыталастылар. Куорат баһылыга Евгений Григорьев эһиилги сылга Труд уулуссатыгар капитальнай өрөмүөн,  Очиченко уулуссатыгар Бестужев-Марлинскай уулуссатыттан 1-кы колонияҕа диэри учаастакка өрөмүөн, Бабушкин уулуссатыгар – Советскай Армия уулуссатыттан Очиченко уулуссатыгар диэри капитальнай өрөмүөн түмүктэнэрин эттэ.  
«2019 сылга Промышленнай уокурукка Бестужев-Марлинскай уулуссатыгар Кальвица уулуссатыттан Авиационнайга диэри 1 км тахса уһуннаах суол капитальнай өрөмүөннэммитэ. Полина Осипенко, Тарас Десяткин, Советскай Армия уонна Рихард Зорге уулуссаларын капитальнай өрөмүөнэ, Богдан Чижик уонна Челюскин уулуссаларын өрөмүөнэ 2023 сылтан саҕаланыахтаах», – диэн иһитиннэрдэ Евгений Григорьев.   
Көрсүһүүгэ куорат Думатын Севернайдааҕы 15 №-дээх быыбардыыр уокуруктан депутат Сергей Черных, баһылык солбуйааччылара, структурнай салаалар уонна муниципальнай тэрилтэлэр салайааччылара кытыннылар.