19.08.2021 | 11:30

Евгений Григорьев Пригороднай олохтоохторун кытта көрүстэ

Евгений Григорьев Пригороднай олохтоохторун кытта көрүстэ
Ааптар: Киин Куорат
Бөлөххө киир

Атырдьах ыйын 17 күнүгэр куорат баһылыга Евгений Григорьев куорат уокуругун сайдар стратегиятын дьүүллэһии чэрчитинэн Пригороднай сэлиэнньэтин олохтоохторун кытта көрүстэ. 
Баһылык бэлиэтээбитинэн, Пригороднай биир кэлимник сайдан иһэр. Ол курдук, 2022 сылга 326 миэстэлээх 12 №-дээх орто оскуолаҕа самалык тутуута түмүктэнэр. Быйыл Пляжнай, Набережнай уонна Совхознай уулуссаларга суол өрөмүөннэнэр. «Светлая столица» бырагыраама чэрчитинэн 31 сырдатыы ситимин тирээбилэ, ону сэргэ Шестаковскай проездка 31 сырдатар тэрил туруоруллуохтара. Пригороднайга тиэргэн территорияларын тупсарыы ыытыллар, Совхознай уулусса 27 №-гэр спорт балаһаакката оҥоһуллубут. 
«Кэлэр сылга 1,75 км усталаах Киин уулуссаҕа улахан хабааннаах өрөмүөнү ыытыахпыт. 2022 сылга сэлиэнньэни бүтүннүүтүн түргэн интэриниэтинэн хааччыйыахпыт», – диэтэ  Евгений Григорьев.
Оттон 2023 сылга манна 3,45 км уһуннаах Озернай, Молодежнай, Набережнай уулуссалар өрөмүөннэниэхтэрэ. Чугаһынааҕы 3 сыл иһигэр 7 км суол өрөмүөннэнэрэ былааннанар.
Баһылык куорат таһынааҕы сэлиэнньэлэргэ спорду уонна култуурунай сынньалаҥы дьүөрэлиир элбэх хайысхалаах кииннэр баар буолуохтаахтар диэн этэр.  Итини таһынан олохтоохтортон ханан сылаас тохтобуллары оҥотторуохтарын баҕаралларын чуолкайдаста. 
 «Куорат хаһаайыстыбатын үлэлэтэр сулууспа» МУТ салайааччыта Айаал Егинов кэлэр сылтан «Сахатранснефтегаз» АУо гааһы аҕалар тарифка 60 мөл. солк. кэриҥэ инвестиционнай эбиини оҥорору былаанныырын туһунан иһитиннэрдэ. 
«Ити үп гаас ситимнэрэ аһарар кыахтарын дефицитын суох оҥорор тэрээһиннэргэ туттуллуохтара, ол иһигэр «Виктория», «Степной», «Почтовик», «Сыырдах» СОТ гааһы тарҕатар ситимин саҥардыыга барыаҕа. Быһа холоон 2023 сылтан саҥардан оҥоруу саҕаланыаҕа, оччоҕо эбийиэктэр гаас ситимигэр холбонор кыахтаныахтара», – диэтэ  Айаал Егинов.
Куорат баһылыга Евгений Григорьев көрсүһүү чэрчитинэн олохтоохтор доруобуйа харыстабылыгар, халаан уутугар биэрэги бөҕөргөтүүгэ, тиэргэннэр тупсарыыларыгар сыһыаннаах уо.д.а. ыйытыктарыгар хоруйдаата.

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Иван Федоров:  «Сылгы саҥарбат эрэ буруйдаах»
Дьон | 28.03.2024 | 10:00
Иван Федоров: «Сылгы саҥарбат эрэ буруйдаах»
Кулун тутар 21 күнэ – Саха Өрөспүүбүлүкэтигэр Сылгыһыт күнэ.  Статистика чахчыларын көрдөххө, 2024 сыл тохсунньу 1 күнүнээҕи туругунан Саха Өрөспүүбүлүкэтин үрдүнэн 178 856 төбө сылгы, ол иһигэр 122 452 биэ баар. Оттон 2017 сыллаахха, Сылгыһыт күнэ олохтоммут сылыгар, сылгы уопсай ахсаана 183 889 тиийэн турбут. Маны сэргэ ааспыт 2023 сылга...