25.06.2021 | 10:00

Евгений Григорьев олохтоох уонна региональнай былаастар VIII Конгресстарыгар кытынна

Евгений Григорьев олохтоох уонна региональнай былаастар VIII Конгресстарыгар кытынна
Ааптар: Киин Куорат
Бөлөххө киир

Евразия олохтоох уонна региональнай былаастарын VIII Конгреһа бэс ыйын 24-25 күннэригэр Дьокуускай куоракка ыытыллар. Конгресс олохтоох уонна региональнай былаастар бэрэстэбиитэллэрин, аан дойдутааҕы бөдөҥ тэрилтэлэр уонна олохтоох бэйэни салайыныы ассоциациятын салайааччыларын, бизнес бэрэстэбиитэллэрин уонна гражданскай уопсастыба чилиэннэрин түмэр.
Тэрийээччилэринэн «Объединенные Города и Местные Власти» (ОГМВ) Евразийскай региональнай салаата, СӨ Бырабыыталыстыбата уонна  «Дьокуускай куорат» куораттааҕы уокурук буолаллар. 
Конгресс икки көрүҥүнэн – оффлайн уонна онлайн-сибээстэринэн ыытыллар, кыраныысса тас өттүнээҕи уонна арассыыйа экспертэрэ видеоконференция нөҥүө кытталлар. Кыттааччылар стратегическай хайысхалар тула – уопсастыба доруобуйатын бөҕөргөтүү уонна доруобуйа харыстабылын ситимин сайыннарыы, килиимэт уларыйыыта, ирбэт тоҥ ууллуута, куорат усулуобуйатыгар олоххо тулуурдаах буолуу уо.д.а. тыын суолталаах тиэмэлэри ырыталлар.  
Тэрээһин чэрчитинэн «Здоровый диалог ради устойчивого развития» кэпсэтиигэ СӨ Баһылыга Айсен Николаев, Казань куорат мэра Ильсур Метшин,  ОГМВ генеральнай сэкэрэтээрэ Эмилия Сайз, Бүтүн аан дойдутааҕы доруобуйа харыстабылын тэрилтэтин Арассыыйаҕа анал бэрэстэбиитэлэ Мелита Вуйнович, СӨ Бырабыыталыстыбатын Бэрэссэдээтэлин солбуйааччы Ольга Балабкина, мэрдар Азиятааҕы форумнарын генеральнай сэкэрэтээрэ Гоштасб Мозафари кытыннылар. 
«Киһи олоҕун уонна доруобуйатын харыстааһын бастакы уочараттаах сүрүн суолталааҕынан буолла.  Доруобуйа диэни киэҥ хабааннаахтык эттэххэ ити – социальнай өттүнэн этэҥҥэ буолуу, чөл туруктаах тулалыыр эйгэ. Итинник улахан суолталаах боппуруос быһаарыыта муниципалитеттан, куораттан, бөһүөлэктэн уонна регионтан саҕаланар», - диэн эҕэрдэ тылыгар Айсен Николаев тоһоҕолоон бэлиэтээтэ.


Өрөспүүбүлүкэ Баһылыга эппитинэн, саҥа коронавирус дьаҥын пандемията уопсастыба доруобуйатын көмүскүүргэ саҥа сыһыаны олохтууру түргэтэтэн биэрбит. 
«Конгресс бастакы күнүгэр хас биирдии киһиэхэ тыын суолталаах боппуруостары – уопсастыба доруобуйатын уонна доруобуйа харыстабылын сайдыытын ырытыстыбыт. Ил Дархан 2021-2030 сылларга биллэрбит доруобуйа Уон Сыла, ити хайысханан доруобуйа харыстабылын систиэмэтин сайыннарыыга, саҥардыыга төһүү күүһүнэн буолуоҕа, нэһилиэнньэ бэйэтин доруобуйатыгар ордук харыстабыллаахтык сыһыаннаһыа, ыарыыны сэрэтэр тэрээһиннэри, диспансеризацияны кэмигэр ааһан чөл олохтонуо диэн эрэнэбин. Ити барыта биһиги балысханнык сайдар, улаатар куораппытыгар сытыытык турар, өрөспүүбүлүкэ нэһилиэнньэтин үс гыммыт биирэ манна, куоракка олорор», - диэтэ Евгений Григорьев.
Конгресс чэрчитинэн икки күн устата питч-сессиялар, төгүрүк остуоллар, семинардар ыытыллыахтара.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....