31.05.2021 | 12:11

Евгений Григорьев оҕо лааҕырдарын бэрэбиэркэлээтэ

Евгений Григорьев оҕо лааҕырдарын бэрэбиэркэлээтэ
Ааптар: Киин Куорат

Куорат дьаһалтатын пресс-сулууспата иһитиннэрбитинэн, баһылык Евгений Григорьев бу күннэргэ сайыҥҥы оҕо лааҕырдарын уонна уһуйааннар даачаларын кэрийэн, саҥа сезоҥҥа төһө бэлэмнээхтэрин көрдө-иһиттэ. 
Баһылыгы кытта оробуочай бөлөххө Үөрэх управлениетын начаалынньыга Алексей Семенов, начаалынньыгы солбуйааччы Егор Охлопков, куорат Дууматын бэрэссэдээтэлин бастакы солбуйааччы Евдокия Евсикова уонна Дуума социальнай политикаҕа бастайааннай хамыыһыйатын бэрэссэдээтэлэ Айаан Васильев сырыттылар. 
Кинилэр бастаан Саха политехническай лицей баазатыгар тэриллибит «Радуга» чэбдигирдэр лааҕыры көрдүлэр. Бу 1970-с сыллартан үлэлиир. Лицей дириэктэрэ Надежда Тимофеева этэринэн, 12 гаттан тахса сиргэ турар лааҕырга биир сезоҥҥа 200-чэ оҕо, 30 үлэһит сылдьаллар эбит. 


«Бэс ыйын 1 күнүгэр диэри былырыыҥҥы сэбирдэҕи хомуйабыт, утуйар куорпустары бэлэмниибит, материальнай баазаны кырааскалыыбыт, остолобуойу өрөмүөннүүбүт. Манна хапытаалынай өрөмүөн барара наада, куорпустар истэригэр ититии холбоммутун да иһин сөрүүн», - диэн кэпсээтэ дириэктэр. 
Салгыы бөлөх  тулаайах уонна төрөппүт көрүүтэ суох хаалбыт оҕолор 28 №-дээх интэринээт-оскуолаларын «Труд» даачатыгар сырытта. Манна сылын аайы 1-11 кылаастар үөрэнээччилэрэ сынньаналлар. 
Итини сэргэ баһылык салайааччылаах оробуочай бөлөх «Спутник», «Бинго», «Родничок» лааҕырдар уонна «Якутяночка», «Брусничка» оҕо уһуйааннарын бэрэбиэркэлээтэ. 
«Материальнай-техническэй баазаны саҥардар наадалааҕын чопчу көрдүм. Сүрүн кыһалҕанан  дьиэлэр эргэрбиттэрэ эрэ буолбакка, билиҥҥи олох ирдэбиллэригэр эппиэттиир коммуникация суоҕа буолар. Бэрэбиэркэ түмүгүнэн мунньахтаан, ити балаһыанньаттан тахсар суолу тобулуохпут», - диэтэ Евгений Григорьев.


Баһылык 2 күн устата лааҕырдары, уһуйааннар даачаларын кэрийэн, оскуола дириэктэрдэрин уонна лааҕыр начаалынньыктарын кытта баар кыһалҕалар тустарынан кэпсэтэн,  эргэ дьиэлэри өрөмүөннүү сатаабакка, саҥа куорпустары тутуохха наада диэн бигэ түмүккэ кэллэ. 
Бэс ыйын 15 күнүттэн куорат таһынааҕы чэбдигирдэр лааҕырдар сабыылаах эрэсииминэн 75% эрэ туолан үлэлиир былааннаахтар.

Сонуннар

Ордук ааҕаллар

Валентина Колодезникова-Айыына:  Киһи баҕарыах эрэ тустаах
Дьон | 04.08.2022 | 10:00
Валентина Колодезникова-Айыына: Киһи баҕарыах эрэ тустаах
Бүгүҥҥү нүөмэрбитигэр мас ууһа Валентина Колодезникова--Айыынаны кытта кэпсэтэбит. Валентина-Айыына уустар түөлбэлээн үөскээбит Баайаҕа нэһилиэгиттэн төрүттээх. Тутуу биригээдэтин салайааччыта. Дьоҕурун сөпкө туһаммыт уонна киэҥ эйгэҕэ таһаарбыт уус.
Үөрүүлээх түгэни - дьоһун көстүүлээх
Сонуннар | 05.08.2022 | 10:51
Үөрүүлээх түгэни - дьоһун көстүүлээх
Үөрэх дьыла чугаһаабытынан, бэйэбит үөрүүбүтүн үллэстэргэ сананныбыт. Ол курдук, быйыл Кэбээйи улууһун Мукучу нэһилиэгэр улахан оскуола дьиэтэ тутуллубута 90 сылын кэлэктиип туох эрэ ураты көстүүлээх көрсүөхтээх диэн быһаарыы ылынан, саҥа сахалыы истииллээх таҥас сакаастаан тиктэрбиппит. 
Минньигэстик аһааҥ
Тускар туһан | 05.08.2022 | 10:00
Минньигэстик аһааҥ
Сибиэһэй оҕуруот аһа дэлэгэй эрдэҕинэ, боростуой, минньигэс уонна битэмииннээх салааттарда астанан хаалыаҕыҥ.
НВК Саха бырагыраамата атырдьах ыйын 8-14 күнэ
Сонуннар | 03.08.2022 | 16:50
НВК Саха бырагыраамата атырдьах ыйын 8-14 күнэ
Понедельник, 8 августа 6:00 Сана кун 6+ 8:00 Утро Якутии 6+ 9:00 Сана кун 6+ 10:00 Утро Якутии 6+ 11:00 Тиэргэн 6+ 11:30 ПроАвто 12+ 12:00 "Якутия" информационная программа 12+ 12:15 Асчыттар 6+ 13:00 Дойдум дьоно 12+ 13:15 Актуальное интервью 12+ 13:30 "Саха сирэ" информационнай биэрии  12+ 13:45 "Якутия" информационная...