Евгений Григорьев норуот сомоҕолоһуутун Күнүнэн эҕэрдэтэ

Убаастабыллаах Дьокуускай куорат олохтоохторо!
Уокуруктааҕы дьаһалта уонна тус бэйэм ааппыттан норуот сомоҕолоһуутун Күнүнэн эҕэрдэлиибин!
Бу арыый да эдэр бырааһынньык олохпутугар бигэтик киирдэ уонна Арассыыйа дьонун бары көлүөнэлэрин сомоҕолоото. Биһиэхэ төрөппүттэрбититтэн уонна учууталларбытыттан иҥэриммит, аҕа көлүөнэ дьонтон уонна билиҥҥи кэм дьоруойдарыттан бэриллибит устуоруйа уопсай өйдөбүлэ, улуу кыайыыларбытынан уонна ситиһиилэрбитинэн киэн туттуу, өй-санаа, олох сыаннастара, Аҕа дойдубутугар таптал баар. 
Бырааһынньык күнүгэр биһиги ветераннарбытыгар, Аҕа дойду Улуу сэриитин кыттыылаахтарыгар, тыылга үлэлээбиттэргэ, үлэ уонна сэрии ветераннарыгар уонна бары бэйэлэрин доруобуйаларын уонна олохторун харыстаабакка Кыайыыны уһансыбыт, Ийэ дойдубут модун күүһүн бөҕөргөтүспүт дьоҥҥо ураты махталбын тиэрдэбин, сүгүрүйэбин. 
Устуоруйа саамай ыарахан кэмнэригэр Арассыыйа элбэх омуктаах норуотун сомоҕолоһуута ханнык баҕарар тургутуулары этэҥҥэ ааһарга уонна иннибит диэки эрэллээхтик хардыылыырга көмөлөһөрө. 
Ийэ дойдуга таптал – төрөөбүт алааска, сэлиэнньэҕэ эбэтэр куоракка, өрөспүүбүлүкэҕэ, бүтүн дойдуга – ити биһиэхэ көннөрү дорҕоон дуораана буолбатах. Ити тапталбыт уустук мүнүүтэлэргэ көмөлөһөр, өйбүтүн-санаабытын бөҕөргөтөр, киһи быһыытынан бастыҥ хаачыстыбаларбытын уһугуннарар, биир дойдулаахтарбыт улахан кыайыыларын уонна ситиһиилэрин күннэригэр биһигини дириҥ үөрүүнэн толорор. Хас биирдиибит үтүө суобастаах үлэтинэн Арассыыйа модун күүһүгэр уонна чэлгийэ сайдыытыгар бэйэтин кылаатын киллэрэр. 
Убаастабыллаах куорат олохтоохторо, эһиэхэ кытаанах доруобуйаны, үлэҕитигэр ситиһиилэри, дьиэ кэргэҥҥитигэр этэҥҥэ буолууну баҕарабын! Бырааһынньыгынан, норуот сомоҕолоһуутун Күнүнэн!

Дьокуускай куорат баһылыга
Евгений Григорьев