26.07.2021 | 10:00

Евгений Григорьев куорат тупсарыытын хонтуруоллуур

Евгений Григорьев куорат тупсарыытын хонтуруоллуур
Ааптар: Киин Куорат
Бөлөххө киир

Бу күннэргэ куорат баһылыга Евгений Григорьев элбэх кыбартыыралаах дьиэлэр тиэргэннэригэр ыытыллар тутар-таҥар үлэ хаамыытын кытта билистэ. 
Баһылык бастакынан Лермонтов уулуссатын 23/2 уонна 23/3 нүөмэрдээх дьиэлэрин тиэргэннэрин көрдө, онно эргэ оҕо балаһааккаларын көтүрүү уонна тупсаран оҥорууга бэлэмнэнии бара турар.  
«Главстрой» МКТ иһитиннэриитинэн, бүгүҥҥү күҥҥэ тутар-таҥар, дьиэлэргэ чугаһыыр суолу уонна массыына тохтуур сирдэрин (парковкалары) аспааллыыр үлэ ыытыллар. Бэдэрээччик – «Сахатрасстрой» ХЭТ, ити тэрилтэни кытта бэс ыйыгар 13 мөл. солк. тахса суумалаах муниципальнай хантыраак түһэрсиллибит. Үлэ балаҕан ыйын бүтэһик күннэригэр түмүктэниэхтээх. 
Олохтоохтор этэллэринэн, дьиэ 1975 сыллаахха киириэҕиттэн ыла тиэргэннэригэр биирдэ даҕаны итинник киэҥ хабааннаах тупсарыы үлэтэ ыытыллыбатах. 
«Биһиги дьиэбит тиэргэнигэр болҕомто ууруллубутуттан олус үөрдүбүт. Бэдэрээччиктэр түргэнник, кыһаллан туран сарсыарда эрдэттэн киэһэ хойукка диэри үлэлииллэр, тутуу бөҕүн тута хомуйан иһэллэр. Олохтоохтор бары тутуу үлэтин сэргииллэр, хонтуруоллууллар», - дииллэр Лермонтов уулуссатын 23/2 уонна 23/3 нүөмэрдээх дьиэлэрин олохтоохторо Наталья Шатунова уонна Екатерина Емелина.   
Баһылык иккис сылдьыбыт дьиэтэ – Петр Алексеев уулуссатын  7/2 нүөмэрэ. Манна тутуу бэлэмэ 50%. Эргэ балаһаакка көтүрүллүбүт, тротуар ууруллубут. Билигин оҕо уонна спорт балаһааккаларын, кытаанах бөҕү мунньар сири уонна аччыгый архитектура пуормаларын оҥоруу хаалбыт. Бэдэрээччик – «Сахатрасстрой» ХЭТ, 13 мөл. солк. тахса суумалаах муниципальнай хантыраак ыам ыйын бүтэһигэр түһэрсиллибит. 
Тутар-таҥар үлэлэри көрөн баран, Евгений Григорьев куорат олохтоохторо үлэни хайҕыыллара, үчүгэйинэн сыаналыыллара барыта былаан уонна график быһыытынан баран иһэрин кэрэһэлиир диэтэ.  
«Үлэ хаамыытын көрүү кэмигэр улахан болҕомто ууну ыытыыга ууруллар. Ардах уонна хаар уулара мустубаттарын курдук, кыбартаал иһинээҕи лотоктар магистральнайдары кытта ситимнээх буолуохтаахтар. Тиэргэн өрөмүөнэ олохтоохтор баҕа санааларын учуоттаан оҥоһуллар», - диир куорат баһылыга Евгений Григорьев.
Быйыл СӨ баһылыга Айсен Николаев быһаарыытынан, инники былааннаммыт 15 тиэргэҥҥэ эбии өссө 15 тупсаран оҥоһуллуутугар 150 мөл. солк. көрүллүбүт. 
Элбэх кыбартыыралаах дьиэлэр тиэргэннэригэр тутар-таҥар үлэ балаҕын ыйа бүтүөр диэри ыытыллыаҕа.

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.