27.01.2024 | 09:30

Евгений Григорьев култуура үлэһиттэрин иннигэр отчуоттаата

Евгений Григорьев култуура үлэһиттэрин иннигэр отчуоттаата
Ааптар: Киин Куорат
Бөлөххө киир

Киин куоракка биэс национальнай бырайыак үлэлиир. Ол уонна 2023 сыл социальнай-экономическай ситиһиилэрин уонна үүммүт сылга былааннар туһунан баһылык Евгений Григорьев култуура үлэһиттэрин иннигэр отчуоттаата.

«Куорат бүддьүөтүн туһунан этэр буоллахха, сүрүн дохуот нацинальнай бырайыактар суоттарыгар киирэр», диэн бэлиэтээтэ Евгений Григорьев. Ол курдук, кэлиҥҥи биэс сылга, ол эбэтэр 2019 сылтан саҕалаан, Дьокуускай куорат национальнай бырайыактары олоххо киллэрэргэ 17,5 млрд солк. иэннээх эбии үбүлээһини ылбытын, бу суума куорат 5-6 сыллаах бүддьүөтүгэр тэҥнһэрин бэлиэтээтэ.

«Доруобуйа» национальнай бырайыак чэрчитинэн 2022 сыллаахха аныгылыы кардио-сосудистай киин тутуллубутун, бу күннэргэ Онкология диспансера арыллаары турарын иһитиннэрдэ.

Ааспыт 2023 сыл сүрүн ситиһиитинэн киин куорат 2023 сылга диэри сайдыытын маастар-былаана дойду бэрэсидьиэнэ Владимир Путин өйөбүлүн ылбытын ааттаата.

Куорат баһылыга мустубут дьоҥҥо уопсастыбаннай тырааныспары, куорат хаһаайыстыбатын, инфраструктураны тупсарыыга ыытыллыбыт үлэни, арыгыны утары хампаанньаны, анал байыаннай дьайыы кыттыылаахтарыгар уонна кинилэр дьиэ кэргэттэригэр оҥоһуллар өйөбүллэр тустарынан сиһилии кэпсээтэ.

«Хаачыстыбалаах уонна куттала суох суоллар» националльнай бырайыагынан саҥа оптуобустары атыылаһыы салҕанарын, уопсастыбаннай тырааныспар үлэтин уларыта тутуу бастакы түһүмэҕэ саҕаланаары турарын иһитиннэрдэ.

Территориялары тупсарыы эйгэтигэр Роман Дмитриев аатынан кытылы, Сайсары күөл кытылын бастакы түһүмэҕин саҥардан оҥоруу былааннанар, Кыайыы пааркатын тутуу салҕанар, 18 тиэргэҥҥэ тупсарыы үлэтэ ыытыллаары турар.

Сүҥкэн үлэ физическэй култуура уонна спорт эбийиэктэригэр күүтүллэр, Култуура уонна сынньалаҥ пааркатын хапытаалынай өрөмүөнэ, Арчы дьиэтин өрөмүөнэ былааҥҥа тураллар.

Отчуот кэннэ куорат култууратын эйгэтин үлэһиттэриттэн киирбит ыйытыылары баһылык Евгений Григорьев туһааннаах тэрилтэлэргэ быһаарарга сорудахтаата.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!