Евгений Григорьев интэриниэт-провайдердары кытта көрүстэ

Мунньахха куорат баһылыгын солбуйааччы – Олохтоох дьаһалта аппараатын салайааччыта Руслан Тимофеев, куорат баһылыгын сүбэһитэ Павел Кириллин, «Ростелеком» ПАУо «Сахателеком» филиалын дириэктэрэ Константин Войтеховскай, «АрктикТелеком» АУо генеральнай дириэктэрэ Виктор Сергеев, «Рубинет» ХЭТ дириэктэрэ Евгений Сысоев, «Эксперт» хампаанньалар бөлөхтөрүн дириэктэрэ Евгений Керемясов, «Диапазон» ХЭТ кылаабынай инженерэ Андрей Антипин, Олохтоох дьаһалта Цифровой сайдыыга департаменын начаалынньыга Алексей Семенов, «Информационнай технология киинэ» МХТ Сергей Лыткин кытыннылар.

Куорат баһылыга Евгений Григорьев бэлиэтээбитинэн, волоконнай-оптическай сибээс лиинийэтин куорат кытыытыгар сайыннарыы – нэһилиэнньэ саамай тыын боппуруоһа.

«Биллэн турар, бүгүҥҥү күҥҥэ «инфраструктура» диэн өйдөбүлгэ гражданнарбыт гааһынан, инженернэй коммуникацияларынан хааччыллыыны сэргэ интэриниэт сибээһинэн хааччыллыыны киллэрэллэр. Холобур, икки сыллааҕыта куорат кытыытыгар ВОЛС тардыытыгар наһаа элбэх сайабылыанньа киирэрэ. Кэнники балтараа сыл иһигэр күүспүтүн түмэн улахан хардыыны оҥордубут. Үлэбит түмүгэ көстөр», - диэтэ Евгений Григорьев уонна провайдердарга бииргэ үлэлэһэллэрин иһин махталын биллэрдэ.

Куорат баһылыгын сүбэһитэ Павел Кириллин «Диапазон» ХЭТ былырыыҥҥыттан элбэх оҕолоох ыалларга чэпчэтиилээх тарыыбы киллэрбитин бэлиэтээтэ. Итини таһынан, анал байыаннай эпэрээссийэнэн сибээстээн, быстах байыаннай хомуурга барбыттар дьиэ кэргэттэригэр бу нэдиэлэттэн чэпчэтии көрүллэр.

Олохтоох дьаһалта Цифровой сайдыыга департаменын начаалынньыга Алексей Семенов иһитиннэрбитинэн, билиҥҥи кэмҥэ куорат кытыытынааҕы территорияҕа волоконнай-оптическай сибээс сайдыытын туһунан «Ростелеком» ПАУо «Сахателеком» филиалын уонна «АрктикТелеком» АУо кытта сөбүлэҥи түһэрсии туһунан кэпсэтии ыытыллар.