24.11.2023 | 12:30

Евгений Григорьев «Хорсун быһыы холбуйата» аахсыйаҕа кытынна

Евгений Григорьев «Хорсун быһыы холбуйата» аахсыйаҕа кытынна
Ааптар: Киин Куорат
Бөлөххө киир

Куорат баһылыга Евгений Григорьев «Хорсун быһыы холбуйата» аһымал аахсыйаҕа кытынна диэн Олохтоох дьаһалта пресс-сулууспата иһитиннэрдэ. Олохтоох дьаһалта бастакы этээһигэр турар боксаҕа, ким баҕалаах, балыыһаҕа сытар оҕолорго анаан оонньууру, кинигэни угуон сөп.

Бүтүн Арассыыйатааҕы «Биир Ньыгыл Арассыыйа» партияны өйөөччүлэр көҕүлээһиннэринэн, аһымал аахсыйа 2019 сыллаахтан ыытыллар уонна Аан дойдутааҕы оҕо күнүгэр ананар.

«Бэрэсидьиэн 2024 сылы Дьиэ кэргэн сылынан биллэрдэ. Дьиэ кэргэн – чугас дьоммутугар кыһамньы. Туора оҕо диэн өйдөбүл хаһан даҕаны суох, ол иһин ыарахан ыарыылаах, уустук усулуобуйалаах оҕолорго кыһамньы, болҕомто – улахан дьон барыбыт эбээһинэһэ. Аахсыйаҕа нэһилиэнньэ киэҥник кыттар, Олохтоох дьаһалта үлэһиттэрэ эмиэ көхтөөхтүк кыттарбытыттан үөрэбин», – диэтэ  Евгений Григорьев.

«Хорсун быһыы холбуйата» аһымал аахсыйа сэтинньи 30 күнүгэр диэри ыытыллар. Тэрээһиҥҥэ ким баҕалаах кыттыан сөп, анал боксалар куорат үрдүнэн киэҥник тарҕаннылар. Олохтоох дьаһалтаны сэргэ аахсыйа быйылгы партнердара –  «Сахатранснефтегаз», «Сахаэнерго», М.К. Аммосов аатынан ХИФУ (УЛК, КФЕН, КТФ, ГУК, ПИ, АДФ, КИТ), ЛОРП, Дьокуускайдааҕы уу тырааныспарын института, «Комдрагметалл», «Якутскэкосети», «Полярные авиалинии» авиахампаанньа, А.С. Пушкин аатынан Национальнай библиотека, Е. Ярославскай аатынан музей, Дьокуускайдааҕы промышленнай техникум, «Сосновый бор» Оҕолору сынньатар уонна чэбдигирдэр киин, Дьокуускайдааҕы Медицина киинэ, Өрөспүүбүлүкэтээҕи доруобуйа уонна медицинскэй сэрэтии үлэтин киинэ уо.д.а.

«Хорсун быһыы холбуйатыгар» кыра оонньуурдары, массыыналары, куукулалары, кинигэлэри, фломастердары, пазллары уо.д.а. угуохха сөп. Ол эрэн санитарнай ирэбиллэри тутуһан, барыта саҥа уонна хаатыгар сылдьар буолуохтаах.

Ахсынньы ыйга хомуллубут бэлэхтэри оҕолор сытар балыыһаларыгар – педиатрия салаатыгар, инфекционнай балыыһаҕа уонна оҕо тубсанаторийыгар тиксэриэхтэрэ, билигин итиннэ 500-тэн тахса оҕо эмтэнэр.

 

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Хомунаалынай төлөбүр төһө үрдүүрүй?
Сонуннар | 11.07.2024 | 12:00
Хомунаалынай төлөбүр төһө үрдүүрүй?
Ый саҕаланыытыгар үгэспитинэн саҥа сокуоннары билиһиннэрэбит. От ыйыттан туох уларыйыыта киирдэ?