17.12.2021 | 12:00

Евгений Григорьев «Хоккайдо Банк, Лтд» бэрэстэбиитэлистибэтин салайааччытын кытта көрсүбүт

Евгений Григорьев «Хоккайдо Банк, Лтд» бэрэстэбиитэлистибэтин салайааччытын кытта көрсүбүт
Ааптар: Киин Куорат
Бөлөххө киир

Ахсынньы 16 күнүгэр куорат баһылыга Евгений Григорьев Владивосток куоракка «Хоккайдо Банк, Лтд» бэрэстэбиитэлистибэтин салайааччытын кытта көрсүбүт. Көрсүһүүгэ бэрэстэбиитэлистибэ салайааччыта тойон Фумитоси Накагава өрөспүүбүлүкэ киин куоратын территориятыгар кыттыгас бырайыактары олоххо киллэриини салгыыр санаалааҕын иһитиннэрбит. Көрсүһүү үөрүүлээх түгэн иннигэр – «Саюри» төгүрүк сыллааҕы тэпилииссэ комплексын тутуута түмүктэнэн эрдэҕинэ буолбут. Ол туһунан Уокуруктааҕы дьаһалта пресс-сулууспата иһитиннэрдэ.
Эҕэрдэ тылыгар Дьокуускай куорат баһылыга ити улахан эбийиэк тутуутугар сэдэх инженернай-техническай быраактыкалар уонна быһаарыылар туттуллубуттарын, итини таһынан бырайыак улахан социальнай суолталааҕын бэлиэтээбит. 
«Аныгы конструкциялары, эниэргийэни харыстыыр уонна агротехнологиялары  туттуу биһиги тыйыс климаттаах усулуобуйабытыгар үрдүк ураһаай олугунан буолар. Салгыы бииргэ үлэлииргэ уонна кыттыгас экономическай бырайыактары олоххо киллэрэргэ бэлэммит», – диэн бэлиэтээбит  Евгений Григорьев.
Көрсүһүүгэ ураты болҕомтону инвестиционнай бырайыактарга уурбуттар, кинилэр тустарынан тас сибээстэргэ уонна инвестиционнай бырайыактар олоххо киириилэригэр Департамент салайааччыта Владимир Аржаков кэпсээбит. Кини Дьокуускай инвестиционнай өттүнэн үрдүк таһымнаах кэрэхсэбиллээҕин, соторутааҕыта илии баттаммыт сөбүлэҥнэр ортолоругар крематорий, куорат баанньыгын, агропромышленнай салаа сыаҕын, түөрт сулустаах гостиница комплексын тутуута уонна «Эргэ куорат-2» бырайыак олоххо киириитэ баалларын бэлиэтээбит. 
Дьокуускай сайдар кэскилин уонна Өлүөнэ эбэ муостатын тутуутун бэлиэтээн туран,  Евгений Григорьев куорат былаастара тырааныспар схематын уларытары, чуолаан киин уулуссаларынан ыарахан уйуктаах тиэхиньикэ сырыытыгар хааччах киллэрэри былаанныылларын эбэн эппит. 
«40 туонналаах тырааныспартан кыра уйуктаах таһаҕас тиэйэр массыыналарга көһөрөөрү логитстическай киин тутуутун былаанныыбыт», – диэн бэлиэтээбит   Евгений Григорьев.
Көрсүһүү түмүгүгэр Евгений Григорьев уонна Фумитоси Накагава өйдөбүнньүк бэлэхтэринэн атастаспыттар. 
Санатан эттэххэ, «Саха сирэ» ТОР резиденэ – «Саюри» – Саха сирэ Японияны кытта өр сыллаах ситиһиилээх бииргэ үлэлээһиннэрин холобура.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...