08.12.2023 | 10:00

Евгений Григорьев гражданнары кытта көрүстэ

Ахсынньы 7 күнүгэр куорат баһылыга Евгений Григорьев гражданнары кытта тус боппуруостарынан көрүстэ.
Евгений Григорьев гражданнары кытта көрүстэ
Ааптар: Киин Куорат
Бөлөххө киир

Баһылыкка Строительнай уокурук Управатын үлэтигэр сыһыаннаах боппуруостаах Людмила Н. сырытта, кини кыбаартал олохтоохторун кыһалҕаларын кэпсээтэ.

Евгений Григорьев бэлиэтээбитинэн, соторутааҕыта уокурук Управатын салайааччытынан анаммыт Андрей Петров бэйэтин дуоһунаһыгар олус сыһыаннаах, эппиэтинэстээх салайааччы, кини уокурук кыһалҕаларын быһаарар боломуочуйалаах.

Людмила Н. олорор дьиэтигэр кыбартыыралары куортамҥа биэрэллэрин, арендатордар айдааран сүгүн олордубаттарын кэпсээтэ. Кыбартыыраны бас билээччи Арассыыйа тас өттүгэр олороро этилиннэ. Евгений Григорьев Управа салайааччытыгар кыһалҕаны быһаарарга сорудахтаата.

Хатас сэлиэнньэтин олохтоохторо анал байыаннай эпэрээссийэ кыттыылаахтарыгар сир учаастактарын тыырыы боппуруоһунан сырыттылар. Кинилэр олорор сирдэриттэн чугас учаастактары биэрэллэригэр көрдөстүлэр. Евгений Григорьев көрдөһүүнү кытта сөбүлэһэрин биллэрдэ, Дьокуускай куоракка пропискалаахтарга сир учаастактарын Тулагы-Киллэм нэһилиэгэр уонна Табаҕа сэлиэнньэтигэр биэриэхтэрэ диэн эттэ.

Санатар буоллахха, куорат баһылыгын тус приемугар эрдэттэн суруттарыы ирдэниллэр. Олохтоох дьаһалта гражданнары уонна тэрилтэлэри кытта үлэлиир салаатыгар туох кыһалҕалааҕын ыйан туран сайабылыанньа суруйан туттарыллар. Сайабылыанньаҕа төлөпүөн нүөмэрин эбэтэр электроннай почтаны, олорор аадырыһы чопчу ыйыллар.

Сайабылыанньаны ыытыы көрүҥэ:

- yakutsk@sakha.ru официальнай электроннай почтаҕа;

- 40-80-76 төлөпүөнүнэн;

- почтовай аадырыска: Дьокуускай куорат, Ленина просп., 15;

- сайабылыанньаны Олохтоох дьаһалта гражданнары уонна тэрилтэлэри кытта үлэлиир салаатыгар аҕалан туттарыахха сөп, аадырыһа: Дьокуускай куорат, Ленина просп., 15, 113-с кэбиниэт, үлэ күнүгэр 9:00 чаастан 18:00 чааска диэри (эбиэт – 13:00 чаастан 14:00 чааска диэри).

 

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....