10.03.2023 | 14:00

Евгений Григорьев гражданнары кытта көрүстэ

Куорат баһылыга Евгений Григорьев гражданнары кытта тус көрсүһүүлэри ыытта диэн иһитиннэрдэ Олохтоох дьаһалта пресс-сулууспата. Көрсүһүүгэ Дьиэ-уот сыһыаннаһыыларыгар департамент салайааччытын солбуйааччыта Светлана Иванова кытынна.
Евгений Григорьев гражданнары кытта көрүстэ
Ааптар: Киин Куорат
Бөлөххө киир

Алта оҕолоох ийэ Армина Данилова дьиэ-уот кыһалҕатын быһаартарар көрдөһүүлээх кэллэ. Киниэхэ «Нэһилиэнньэ социальнай харалтатын уонна үлэлээх буолуутун управлениета» СХТ дьиэ тутуутугар эбэтэр атыылаһыытыгар туһуламмыт социальнай төлөбүрү ыларга, 5 уонна онтон элбэх сокуоннай саастарын туола илик оҕолордоох дьиэ кэргэн реестригэр киирэргэ сайабылыанньа суруйалларыгар сүбэлээтилэр.  

Дьиэ-уот сыһыаннаһыыларыгар департамент салайааччытын солбуйааччыта Светлана Иванова быһаарбытынан, муниципальнай пуондаттан олорор дьиэҕэ наадыйар дьон учуокка туруохтарын наада. Итиннэ дьиэ кэргэн дохуота, бас билиигэ баар баай-дуол сыаната учуоттанар. Учуокка туруорууну Уопсастыбаннай дьиэ-уот хамыыһыйата быһаарар.

Учуокка туруоруу туһунан консультацияны «Дьиэ-уот сыһыаннаһыыларыгар департамент» МХТ ылыахха сөп: Дьокуускай к., Дзержинскэй уул., 21, 43-с кэбиниэт, үлэ графига: бэнидиэнньик – чэппиэр 9:00-12:00 чаас.

Баһылыгы кытта тус көрсүһүүгэ кэлбит гражданнар бары кыһалҕаларын этэн, сүбэ-соргу ылан бардылар.

Санатар буоллахха, баһылыгы кытта тус көрсүһүү эрдэттэн суруттарыы быһыытынан ыытыллар. Көрсүһүүгэ сылдьыан баҕалаахтар Олохтоох дьаһалта гражданнары уонна тэрилтэлэри кытта үлэлиир салаатыгар сүрүн кыһалҕаларын, ыйытыыларын чопчулаан туран суругунан сайабылыанньа ыыталлар, төлөпүөннэрин эбэтэр электроннай почталарын ыйаллар.

Сайабылыанньаны ыытар көрүҥ:

- официальнай электроннай почта yakutsk@sakha.ru;

- төлөпүөнүнэн: 40-80-76;

- почтанан: Дьокуускай к., Ленин пр., 15;

- гражданнары кытта үлэлиир салааҕа аҕалан: Дьокуускай к., Ленин пр., 15, 113-с кэб., үлэ күнүгэр 9:00 чаастан 18:00 чааска диэри (эбиэт – 13:00-14:00 ч.ч).

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...