08.09.2021 | 16:30

Евгений Григорьев: «Дьокуускай ирбэт тоҥ усулуобуйатыгар бастыҥ куоратынан буолуохтаах»

Евгений Григорьев: «Дьокуускай ирбэт тоҥ усулуобуйатыгар бастыҥ куоратынан буолуохтаах»
Ааптар: Киин Куорат

Балаҕан ыйын 8 күнүгэр Саха сирин Ил Дархана Айсен Николаев «СӨ киин куората – Дьокуускай куорат 2032 сылга диэри сайдыытын туһунан» Ыйаахха илии баттаата. Ол туһунан СӨ Баһылыгын уонна Бырабыыталыстыбатын пресс-сулууспата иһитиннэрдэ.
Докумуон Дьокуускай куорат уонунан сылларга инники сайдар кэскилин түстүүр. Ити – Хоту сир куоратыгар табыгастаах уонна бигэ туруктаах эйгэни тэрийии, куорат инфраструктуратын хаачыстыбатын үрдэтии, уопсастыбаннай тырааныспар куттала суох систиэмэтин оҥоруу, нэһилиэнньэ олоҕун тупсарыы, киин куорат күүһүн-уоҕун бөҕөргөтүү. 
Дьокуускай куорат Думатын XXXI (уочараттаах) сессиятыгар куорат баһылыга Евгений Григорьев бэлиэтээбитинэн, бүгүҥҥү күн – Саха сирин Ил Дархана Айсен Николаев Ыйаахха илии баттаабыт күнэ – Дьокуускай куорат олохтоохторугар, бары куораты таптыыр дьоҥҥо киин куорат инники сайдыытын түстүүр ураты бэлиэ күнүнэн буолла. 
«Бу күнтэн ыла биһиги үлэбит ураты ис хоһоонноох уонна суолталаах буолар. Уон сыллаах бүгүн баттаммыт ыйаахтан киһи сүргэтэ көтөҕүллэр. Бүгүн хас биирдиигит аан дойду таһымнаах историяны оҥорор хамаанда сорҕото буолаҕыт. Өрөспүүбүлүкэ салалтатын уонна бырабыыталыстыбатын кытта биир ньыгыл хамаанданан үлэлииргэ бэлэммит. Ыйаахха этиллибит былааны олоххо киллэрэргэ, Дьокуускай куорат тэриллибитэ 400 сылын ирбэт тоҥ усулуобуйатыгар бастыҥ куорат буолан көрсөрүгэр үлэлиир бигэ санаалаахпыт», – диэтэ  Евгений Григорьев.

Сонуннар

Ордук ааҕаллар

Педиатр Елена ИВАНОВА:  «Улаатар оҕоҕо — ураты болҕомто»
Дьон | 21.09.2021 | 12:00
Педиатр Елена ИВАНОВА: «Улаатар оҕоҕо — ураты болҕомто»
Бүгүн “Яннамед” медицинскэй клиника педиатр бырааһа Елена Владимировна Иванова ыалдьыттыыр. Кинини кытта оҕо доруобуйатын туһунан кэпсэтиибитин сэргээн ааҕыҥ.   Быраас анала – Кыра оҕо туга ыалдьарын сатаан кэпсээбэт, уопсайынан, кырачаан дьону кытта үлэлиир ыарахан. Педиатрияны тоҕо талбыккыный? Үлэҥ уратытын туһунан кэпсиигин? –  Мин оҕолору кытта үлэлиэм диэн эрдэттэн быһаарыммытым. Эдьиийим...
Баһаарга үлэлээбит волонтердар доруобуйаларын бэрэбиэркэлии медиктэр кэллилэр
Сонуннар | 14.09.2021 | 16:50
Баһаарга үлэлээбит волонтердар доруобуйаларын бэрэбиэркэлии медиктэр кэллилэр
Балаҕан ыйын 14 күнүгэр Дьокуускайга Федеральнай медико-биологическай агентство биригээдэтэ кэллэ. Медиктэр баһаары умуруорууга кыттыбыт волонтердар доруобуйаларын туругун көрүөхтэрэ. Федеральнай Сибиирдээҕи научнай-клиническэй киин генеральнай дириэктэрэ Борис Баранкин СӨ премьера Андрей Тарасенколыын көрүстэ. СӨ доруобуйа харыстабылыгар Министиэристибэтэ иһитиннэрбитинэн, сэрэтэр хайысхалаах медицинскэй көрүү испииһэгэр өрөспүүбүлүкэ 500-тэн тахса олохтооҕо киирбит.  Бу иннинэ өрөспүүбүлүкэ бырабыыталыстыбата...
Дьокуускайга үөрэҕирии үлэһиттэрин балаҕан ыйынааҕы мунньахтара ыытыллар
Сонуннар | 15.09.2021 | 18:00
Дьокуускайга үөрэҕирии үлэһиттэрин балаҕан ыйынааҕы мунньахтара ыытыллар
Балаҕан ыйын 14 күнүттэн Дьокуускайга «Актуальные вопросы достижения стратегической цели повышение качества образования» диэн тиэмэнэн үөрэҕирии үлэһиттэрин балаҕан ыйынааҕы мунньахтара ыытыллар. Ол туһунан Уокуруктааҕы дьаһалта пресс-сулууспата иһитиннэрдэ.  Быйылгы мунньах дьүүллэһиитигэр Дьокуускай куоракка үөрэҕирии хаачыстыбатын үрдэтэр сыаллаах түөрт хайысха көрүллэр: иитии уонна эбии үөрэхтээһин боппуруостара; муниципальнай уонна  үөрэҕирии тэрилтэтин таһымнарыгар үөрэҕирии...
Гаас ситимнэригэр саҥа быраабыланан холбуохтара
Сонуннар | 17.09.2021 | 14:00
Гаас ситимнэригэр саҥа быраабыланан холбуохтара
Социальнай газификация уратыларын учуоттаан, Арассыыйаҕа гаас ситимнэригэр холбонорго саҥа быраабылалар олоххо киирэллэр. Ити уонна да атын кэккэ докумуоннары, бэрэсидьиэн көҕүлээбит бырагыраамаларын олоххо киллэрэр курдук,  бырабыыталыстыба бэрэссэдээтэлэ Михаил Мишустин бигэргэппит.  Быраабылаҕа этиллибитинэн, гааһы тарҕатар инфраструктура баар эрэ нэһилиэнньэлээх пууннарыгар гаас киириэн сөп уонна уонна дьиэ кэргэн тус сыалларыгар эрэ холбонор. Кэмиэрсиэйэ...