10.03.2022 | 13:00

Евгений Григорьев чааһынай оптуобустар кыһалҕаларын быһаарарга сорудахтаата

Евгений Григорьев чааһынай оптуобустар кыһалҕаларын быһаарарга сорудахтаата
Ааптар: Киин Куорат
Бөлөххө киир

Куорат баһылыга Евгений Григорьев «ЯПАК» муниципальнай унитарнай тэрилтэҕэ чааһынай оптуобустар графиктарын тутуспат кыһалҕаларын быһаарарга сорудахтаата. Бу туһунан Олохтоох дьаһалта пресс-сулууспата иһитиннэрдэ.
«Куорат олохтоохторуттан чааһынай оптуобустар графиктарын тутуспаттарын туһунан үҥсүү киирэрэ эмискэ элбээтэ. Бүгүҥҥү күҥҥэ графиктара 62 эрэ бырыһыан толоруллар буолла, ити олох сатаммат быһыы! Техосмотр кыһалҕата сарсын быһаарылла охсубат. Ол иһин күн бүгүн ЯПАК оптуобустарын куорат маршруттарыгар таһаарар миэрэни ылынар ирдэнэр», - диэн сорудахтаата Григорьев куорат уопсай планеркатыгар.
«ЯПАК» оптуобустара куорат иһигэр сүүрэллэрин курдук муниципальнай тэрилтэлэртэн эбии уопуттаах суоппардары үлэҕэ ылаллар.
«Куорат бары тэрилтэлэригэр мониторинг ыытан «Д» категориялаах уонна уопуттаах суоппардары буларгытыгар көрдөһөбүн.  Бу боппуруос быһаарыллыар диэри кылгас болдьоххо куорат маршрутун тэрийиигэ ЯПАК этиилэрин киллэрэрин күүтэбин», - диэтэ Евгений Григорьев.
«ЯПАК» МУТ дириэктэрэ Валерий Домотов куорат кытыытынааҕы маршруттары уларытар уонна куорат иһигэр чааһынай оптуобустар тиийбэттэрин быһаарар этиини киллэрдэ. Ол иһигэр билигин баар куорат кытыытынааҕы маршруттары уларытан, кылгас болдьоххо саҥа марштруттары киллэрии боппуруостара көрүллэр. Эбии информация чуолкайданыахтаах.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.