30.08.2021 | 10:00

Евгений Григорьев Центральнай уокурук олохтоохторун кытта көрүстэ

Евгений Григорьев Центральнай уокурук олохтоохторун кытта көрүстэ
Ааптар: Киин Куорат

Атырдьах ыйын 26 күнүгэр куорат салалтата Центральнай уокурук олохтоохторун кытта көрсөн СӨ Баһылыгын Укааһын бырайыагар киирбит киин куорат 2022-2032 сыллардааҕы социальнай-экономическэй сайдыытын стратегиятын дьүүллэстилэр. 
Центральнай уокурук олохтоохторо куорат баһылыгар элбэх ыйытыктары биэрдилэр уонна бэйэлэрин этиилэрин киллэрдилэр. Ол курдук, Чернышевскай уулуссатын 12/1 баар оҕо библиотеката уонна бэтэрээннэр сэбиэттэрэ баһылыкка үлэлиир дьиэлэрин кээмэйэ, усулуобуйата сөп түбэспэтин туһунан эттилэр. 
Итини сэргэ, олохтоохтор 3 №-дээх оптуобус «Куорат баанньыга» тохтобулун урукку сиригэр төннөрөр курдук туруорустулар. Көрсүһүүгэ кинилэр оскуолаттан чугас сиргэ итирдэр утахтары атыылыыр долгутара, 26 №-дээх оскуола аттыгар арыгы атыылыыр «Токко» уонна «Универсам» маҕаһыыннар бааллара этилиннэ. 
 Уокурук ыттаах олохтоохторо дьиэлэрин таһыгар ыттарын күүлэйдэтэр миэстэлэри аныылларын курдук көрдөстүлэр уонна Чернышевскай уулуссатын 16 №-дээх дьиэтин аттыгар кумах кутан анал миэстэ оҥорбуттарын холобурдаатылар. Маны таһынан дьэллик ыттар кыһалҕалара таарылынна. Маныаха гуманнай сыһыан туһунан сокуон баара этилиннэ.
4 №-дээх ДЮСШ бэрэстэбиитэлэ футбол стадионун тутар туһунан көрдөстө. Онуоха баһылык куорат тутуутун уонна тырааныспарын инфраструктуратын Департаменын салайааччыта Северина Архипованы ити көрдүһүүнү сиһилии көрөллөрүгэр көрдөстө. 
Дьокуускай куораттааҕы лицей бэрэстэбиитэлэ лицей самалык тутуутугар наадыйарын эттэ. Евгений Григорьев лицей дьиэтэ эргэтин, ол иһин кэпсэтии саҥаны тутар туһунан барыахтаах диэтэ. «Лицейгит дьиэтэ, 1-гы уонна 9-с №-дээх оскуолалар курдук, эргэрбит. Онон өрөмүөн уонна самалык туһунан буолбакка, саҥа дьиэлэри тутуу туһунан толкуйдуохха наада», – диэтэ  куорат баһылыга.
Көрсүһүүгэ этиллибитинэн, уокурукка 2025 сылга диэри 4 хаарбах туруктаах элбээх кыбартыыралаах дьиэлэр олохтоохторо көһүөхтээхтэр, 5-с, 26-с уонна 29-с оскуолаларга самалык оҥоһуллуохтаах, 182-с кыбартаалга 100 миэстэлээх оҕо уһуйаана тутуллуохтаах, 5,2 км уһуннаах суол өрөмүөннэнэрэ былааннаммыт. Кэлэр сылга Ленин проспегар Дзержинскэй уулуссатыттан Кулаковскай уулуссатыгар  диэри учаастакка, ону сэргэ Щорс күөлүн кытыытынааҕы уулуссаҕа өрөмүөн ыытыллыахтаах. 2023 сылга Ленин проспегар Хабаров уулуссатыттан Дзержинскэйгэ диэри уонна Краснояров уулуссатыттан Кулаковскай уулуссатыгар диэри капитальнай өрөмүөн, 2024 сылга Ярославскай уулуссатын саҥардан оҥоруу, Короленко, Котенко уонна Феликс Кон уулуссаларын капитальнай өрөмүөнэ былааннаммыт.
Көрсүһүүгэ кэлбит Центральнай уокурук олохтоохторо  бары көхтөөхтүк кыттан, кыһалҕалаах боппуруостарын туруорустулар. Куорат баһылыга Евгений Григорьев уонна дьаһалта бэрэстэбиитэллэрэ бары этиилэри, туруорсуулары болҕомтоҕо ыллылар уонна ити хайысханан үлэлэһиэх буоллулар.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...