29.03.2022 | 18:00

Евгений Григорьев: «Быйыл маҥнайгы кылааска 6 тыһыынчаттан тахса оҕо киирэр»

Евгений Григорьев: «Быйыл маҥнайгы кылааска 6 тыһыынчаттан тахса оҕо киирэр»
Ааптар: Киин Куорат

Куорат баһылыга Евгений Григорьев «Арассыыйа 24» телевизионнай ханаал быһа эфиригэр оҕолору маҥнайгы кылааска сурутуу бэрээдэгин, уһуйааннарга уочараты суох оҥоруу уонна оҕолор сайыҥҥы сынньалаҥнарын туһунан кэпсээтэ. 
Муус устар 1 күнүттэн Дьокуускайга маҥнайгы кылааска киирэр оҕолор төрөппүттэриттэн сайабылыанньалары ылыы саҕаланар. Быйыл киин куорат оскуолаларын маҥнайгы кылаастарыгар 6 тыһыынчаттан тахса оҕо киирэр. Кинилэри 50 оскуола күүтэр, ирдэнэр буоллаҕына эбии кылаастар арыллыахтара.
Бастакы түһүмэххэ маҥнайгы кылааска киирэр оҕолор испииһэктэрэ территориянан, ол эбэтэр ханнык аадырыска регистрацияламмыттарыттан тутулуктаах оҥоһуллар. Итини кытта испииһэккэ бастакы уочарат киириэхтээх оҕолор суруллаллар. Иккис түһүмэххэ испииһэк оҕолор олорор сирдэринэн буолбакка, төрөппүттэр баҕа санааларын уонна оскуола кыаҕын учуоттаан оҥоһуллар.
«Биир даҕаны оҕо оскуолаҕа миэстэтэ суох хаалыа суоҕа», - диэн эрэннэрдэ Евгений Григорьев.
Итини таһынан, куорат баһылыга оҕо уһуйааннарыгар уочараты суох оҥорорго туһуламмыт үлэ туһунан кэпсээтэ. Уочарат чааһынай оҕо уһуйааннара элбээтэхтэринэ уонна саҥа оскуолаҕа киириэх иннинээҕи тэрилтэлэр тутулуннахтарына аҕыйыыра этилиннэ. 
Сыл ахсын саҥа уһуйааннар үлэҕэ киирэллэр уонна уруккуттан үлэлииллэргэ саҥа миэстэлэри тэрийэллэр. 
«Биэс сыл иһигэр 5 тыһыынча саҥа миэстэни таһаарар былааннаахпыт», - диэтэ Евгений Григорьев.    
Быйыл оҕо сайыҥҥы сынньалаҥын 45 тэрилтэ хааччыйар, ол иһигэр куорат таһынааҕы лааҕырдар. Былырыын Арассыыйа үрдүнэн саҕаламмыт оҕо сынньалаҥын төлөбүрүн төнүннэрэр «кешбэк» бырагыраама быйыл эмиэ салҕанар. Төрөппүттэр сайыҥҥы лааҕырга сынньалаҥ путевкатын төлөбүрүн аҥарын төннөрүөхтэрин сөп. 
Быһа эфири толору көрүөххэ сөп.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.