20.12.2023 | 15:15

Евгений Григорьев быһа эпииргэ уопсастыбаннай тырааныспар сайдар былаанын кэпсээтэ

«Куораты кытта быһа эпиир» биэриигэ Евгений Григорьев автопаарканы саҥардыы уонна 1-гы №-дээх маршрут уларыйыытын туһунан ыйытыыларга хоруйдаата.
Евгений Григорьев быһа эпииргэ уопсастыбаннай тырааныспар сайдар былаанын кэпсээтэ
Ааптар: Киин Куорат
Бөлөххө киир

Куорат иһинээҕи уонна кытыытынааҕы уопсастыбаннай тырааныспар сырыыта бүгүҥҥү күҥҥэ саамай тыын суолталаах, сытыы кыһалҕанан буолла. Куорат баһылыга Евгений Григорьев 1-гы №-дээх маршруту «ЯПАК» МУТ киллэрэр диэн быһааран эттэ.

«ЯПАК өр кэмҥэ куорат таһынааҕы маршруттары эрэ үлэлэтэ сырытта. Былырыын саҥа 100 №-дээх маршруту киллэрбиппит, итиннэ ЯПАК оптуобустара эрэ үлэлииллэр. Быйыл 1-гы №-дээх маршруту уларыттыбыт, кэлэр сылтан  ити маршруту ЯПАК үлэлэтиэҕэ», – диэтэ  Евгений Григорьев.

Элбэх киһини тиэйэр курдук маршрукка улахан кылаастаах оптуобустар киириэхтэрэ, 1-гы №-дээх оптуобус 100 №-дээх маршрутунан сылдьыаҕа. Ол аата, кинини, элбэх уулуссаны, дьону уонна оройуоннары хабарын курдук, магистральнай оҥорору былаанныыллар.

2018 сылтан саҕалаан, ортотунан 40-нуу оптуобус саҥардылынна. Ити дьоҕус уонна орто урбаан субсидиятын суотугар оҥоһулунна. 2022 сылтан муниципальнай тырааныспар киэҥ далааһыннаахтык саҥардыллар.

«2022 сылга «ЯПАК» МУТ оптуобуһун пааркатын бүттүүнэ саҥардылынна. Эбии өссө 15 оптуобуһу атыыластыбыт. Бу кэм устата куорат территориятыгар 90 саҥа оптуобус сүүрэр, итинтэн 55-һэ  ЯПАК тырааныспара, уоннааҕыта – чааһынайдар», – диэн кэпсээтэ  Евгений Николаевич.

Быйыл ЯПАК тэрилтэҕэ 15 оптуобус ылылынна, быһа холоон, кинилэр тохсунньу бүтэһигиттэн сүүрүөхтэрэ. Ити – 1-гы №-дээх маршрут уонна чааһынайдарга сааһыары эбии 25 оптуобус кэлиэхтээх. Куорат баһылыга иһитиннэрбитинэн, кэлэр өттүгэр сылын аайы 100-түү оптуобус саҥардыллыаҕа.

«Итини сэргэ, икки автовокзалы тутар былааннаахпыт – аэропорт таһыгар уонна Медкиин оройуонугар, онно куорат кытыытынааҕы оптуобустар үлэлиэхтэрэ. Итинник дьаһаннахпытына куорат кытыытыгар айанныырга сыана түһүөҕэ, куорат иһинээҕини кытта тэҥнэһиэҕэ, тырааныспар харгыһын суох оҥоруоҕа. Куорат киинигэр автовокзалы суох гыныахпыт. Медкиин оройуонугар 8 куорат иһинээҕи маршрут үлэлиир», – диэтэ  Евгений Григорьев.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Хомунаалынай төлөбүр төһө үрдүүрүй?
Сонуннар | 11.07.2024 | 12:00
Хомунаалынай төлөбүр төһө үрдүүрүй?
Ый саҕаланыытыгар үгэспитинэн саҥа сокуоннары билиһиннэрэбит. От ыйыттан туох уларыйыыта киирдэ?
НВК Саха бырагыраамата от ыйын 8-14 күннэригэр
Сонуннар | 07.07.2024 | 10:00
НВК Саха бырагыраамата от ыйын 8-14 күннэригэр
Понедельник, 8 июля 6:00 Тиэргэн 6+ 6:30 Мы вам покажем 12+ 7:00 Сана кун 6+ 8:00 Утро Якутии 6+ 9:00 Сана кун 6+ 10:00 Утро Якутии 6+ 11:00 Тиэргэн 6+ 11:30 Айтал уонна аптаах куус 0+ 11:45 О5о саас ыллыыр 6+ 12:00 "Якутия" информационная программа 12+ 12:15 Сайдыс 6+ 12:45...