01.09.2021 | 13:18

Евгений Григорьев билии Күнүнэн эҕэрдэлиир

Евгений Григорьев билии Күнүнэн эҕэрдэлиир
Ааптар: Киин Куорат

Убаастабыллаах учууталлар уонна преподавателлэр!
Күндү үөрэнээччилэр, устудьуоннар уонна төрөппүттэр!
Тус бэйэм уонна Дьокуускай куорат Уокуруктааҕы дьаһалтатын аатыттан балаҕан ыйын 1-гы күнүнэн – билии Күнүнэн эҕэрдэлиибин!
Бүгүн биһиги улахан суолталаах уонна ураты бырааһынньыгы бэлиэтиибит – саҥа үөрэх дьылын саҕаланыытын. 1-гы кылааска киирээччилэргэ олохторун саҥа түһүмэҕэ саҕаланна. Быйыл 5800 тахса оҕо оскуола боруогун саҥа атыллаан, куораппыт муниципальнай уопсай үөрэхтээһинин тэрилтэлэрин паарталарыгар олоруохтара. 
Биһиги бары оскуолатааҕы сылларбытын ураты сылаастык саныыбыт – оскуола эрэ билиини уонна сатабылы  ыларбытыгар көмөлөһөр, дьоҕурбутун уонна кыахпытын сайыннарар, инники ситиһиилэрбит бөҕө акылаатын уурар кыахтаах. 
Дьокуускай куоракка үөрэнээччилэр ахсааннара сыл ахсын эбиллэн иһэр – быйыл киин куорат оскуолалара 50 тыһыынча  үөрэнээччилэрдээхтэр. Кэнники сылларга аныгы технологиялаах саҥа оскуолалары тутууга ураты болҕомто ууруллар. Бүгүҥҥү күҥҥэ үөрэнээччилэр бары кыаҕы туттан үөрэнэллэр, билиини аныгы таһымҥа иҥэринэллэр. Онон инники өттүгэр үрдүк ситиһиилээх буолуохтара. 
Хас биирдии үөрэнээччи, устудьуон туох баар кыһамньытын ууран, туйгун сыаналардаах, чиҥ билиилээх, үөрэхтээх дьон буолан тахсыахтара, төрөөбүт куораттарын, өрөспүүбүлүкэлэрин, дойдуларын дьоһун гражданнара буолуохтара диэн эрэнэбин. 
Барыгытыгар чэгиэн доруобуйаны, ситиһиилэри, инники ситиһиилээх олохтонор иһин бэйэҕит ис кыаххытын сайыннарар баҕаны уонна дьулууру баҕарабын!

«Дьокуускай куорат» куораттааҕы уокурук Баһылыга Евгений Григорьев

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...